كذا الوفا
 

[poem=font="Arial,6,orange,bold,normal" bkcolor="green" bkimage="" border="none,4,gray" type=2 line=1 align=center use=ex num="0,black"]




حبيت رأسه ورحت أنشد عن أخبار=وحشمت معه وجفيت الناس لعيونه
وسعيت له بالعمل في رفع مقداره=من غير طمعه ورا شخصه ولا دونه
واليوم أشوفه علينا بانت اشراره=وأبدأ العداوة وفينا شانت ظنونه
ما يدري إنّي كما العساف ومهاره=أعسف مهاري وهي بالحبل مرسونه
وكم واحد(ن) قبل شخصه بان مغداره=ومن قبل شرّه يجينا نعمي عيونه
لكن معه .. شفت نفسي حيل محتاره=وش لون أعادي صديق(ن) كنت في عونه
وش لون أضره؟ ولو هو جتني أضراره!=وأنا الذي كنت أحارب من يعادونه
وعفيت عنه! وتركت الغوص فـ بحاره=حتى ولو كنت أعرف الغوص وفنونه
(حشمه) لربعه وأهله ومن سكن داره=و(شيمه) لشخص(ن) نحب اللي يحبونه
وغلاه لو هو بقلبي قل معياره= ما نيب جافيه وبابي ما اغلقه دونه
ولو غيّرته الليالي وهزت أفكاره=وقلبه تغيّر وعنّا مالت غصونه
نرفا الخطأ عنه ولا نرضى له الباره=ورماحنا في وجيه عداه مسنونه
ولا نيب جافيه لو هو بعدت دياره= ولا أسعى بغبنه ولا حرّه ولا هونه
وأنا أعرف الطير لو يرحل عن أوكاره=لا بد يوم(ن) يجي ويعود لحصونه
ونفس(ن) تطيع الهوى وإبليس خسّاره=وتلقا جزاها نهار الحشر مغبونه
وشخص(ن) يطيع العليم بسر وجهاره=في جنة الخلد منزاله ومسكونه
ونفسي صبوره بوقت الضيق جسّاره=ودرب الردا عنه محشومه ومصيونه
وعجاج الأيام ما تهتز لغباره=ولا هي من اللي طريق العيب يمشونه
ولا نيب نذل(ن) خويّه ..يهتك أستاره=يضحك بوجهه وعند إقفايه يخونه
وأنا أعرف إنه كريم وعندي أسراره=يعطي ويافي وعهده دايم يصونه
ووقت الرخا والمجاعه تشتعل ناره=وتشبع ضيوفه وهو ما غاضت صحونه
وش عاد لو جاه من هو غيّر أشواره=صيّور شمس الحقايق تشرق بكونه
ويبين راع الردا ونعرف سمساره=والكل منهم يموت بخافي طعونه
وكذا الوفا للصديق وهذي أدواره=والأمر للي نسير بكافه ونونه[/poem]

[color=#CC0099][size=4]حصه العتيبيه

صح لسانج

ابيات رااائعه بمعنى الكلمه

لاهنتي على هالابداع

أطيب التحايا[/size][/color]

صح السانك ياحصه العتيبيه ابيات رائعه

اختنا حصه صح لسانك وقصيده بكل صراحه هايله وهالبيتين هذي هوايل


وشلون اضره ولو هو جتني اضراره=وانا الذي كنت احارب من يعادونه
عفيت عنه وتركــــت الغوص فبحاره=حتى ولو كنت اعرف الغوص وفنونه

[COLOR="DimGray"][font="mudir mt"][align=center][size=3]
نرفـا الخطـأ عنـه ولا نـرضـى لــه الـبـاره
[color=#FFFFFF]............[/color]ورمـاحـنـا فـــي وجـيــه عـــداه مسـنـونـه
ولا نـيـب جافـيـه لــو هــو بـعـدت ديـــاره
[color=#FFFFFF]...........[/color]ولا أسـعــى بغـبـنـه ولا حـــرّه ولا هـونــه



[color=#000099]ياسلام عليك
قصيدة رائعة من بدايتها لآخر بيت فيها
صح لسآنك ياحصه
لاعدمنآكـ

\
/[/color]

[IMG]http://www.otaiby.com/vb/uploaded/12071_1229704230.gif[/IMG]


[/size][/align][/font][/COLOR]

[quote]لكـن معـه .. شفـت نفسـي حـيـل محـتـاره
وش لون أعادي صديق(ن) كنت في عونه
وش لون أضره؟ ولو هو جتنـي أضـراره!
وأنــا الــذي كـنـت أحــارب مــن يعـادونـه
وعفيـت عنـه! وتركـت الـغـوص فـبـحـاره
حتـى ولـو كنـت أعـرف الـغـوص وفنـونـه
(حشمـه) لربعـه وأهلـه ومــن سـكـن داره
و(شيمه) لشخص(ن) نحـب اللـي يحبونـه [/quote]

اختي حصه

قصيده راقيه في معانيها واسلوبها

وافيه وصح الساااانك بكل حرف حتى ترضين

تقبلي حضوري هنا وقواك الله