يـوم ٍ فضـيل ومـوت عـز وكـرامه ...!!
 

[color=#000000][b][size=5]مرثيه في الفقيد / مشاري بن صويلح الدلبحي أحد منسوبي الدفاع المدني والذي توفي يوم الإثنين الموافق24/12/1429هـ وهو يؤدي واجبه في مهمة إنقاذ مصابين محتجزين في سيارتهم بسبب حادث مروري رحم الله الجميع بواسع رحمته [/size][/b][/color]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
على نهاية عام تسعـه وعشريـن=من قبل شهر الحج يعلـن ختامـه
سجل مشـاري للبطولـه عناويـن=حتى اصبح اسمه في سجل الشهامه
في واجبه بالعـزم داس المياديـن=ويشهد على مااقول يوم استلامـه
راح الشجاع بن الوطن يوم الاثنين=يوم ٍ فضيل وموت عـز وكرامـه
من فضل ربي مات يسعف مصابين=بدر ٍ كسوفه صـار ليلـة تمامـه
هذا العزا.. والا ترى الخلق فانيـن=والعمر زرع ، ومقتفيه انصرامـه
والعبد لا من مات فالموقف الزيـن=يبعث على مامات يوم القيامه
والعمر واحد بس بالذكر عمريـن=من راح تبقى سمعتـه واحترامـه
اموات لا زالوا مع النـاس حييـن=وحيين موتى بالـردى والندامـه
يالله يامنشي بن آدم مـن الطيـن=والكون بامرك سايرٍ فـي نظامـه
أسكن مشاري بين روض وبساتين=وعن لاهب النيران حـرم عظامـه
واكتب له الفردوس بيـن النبييـن=في منزل ٍ عنـدك رفيـع ٍ مقامـه
وافرغ علينا الصبر يارب.. وتعين=شيخ ٍ تكدر مهتنـى فـي منامـه
الشيخ ابوخالد عسى عمره سنيـن=طول بعمـره بالسعـد والسلامـه
والوالده ، وقلوب نـاس محبيـن=أصحاب واجناب وخوال وعمامـه
واخوانه اللـي فالمهمـات وافيـن=كلن بدى للحـزن فوقـه غمامـه
ويالله ياللي تكشف العسر بالليـن=ليل الحزن يـارب تجلـي ظلامـه
واللي رحل عن دارنا يوم الاثنيـن=يالله عسـاه بـدار عـز وكرامـه [/poem]

[color=#000000][font=Simplified Arabic]::

.

صح السآنك .. وسلم بنانكٌ

والله يرحم الفقيد مشاري الدلبحي ..؛

ويرحم أموات الملسمين ..؛

تحياتي لك.


.


::[/font][/color]

[color=#000000][size=4]الله يرحمه ويسكنه فسيح جناته ..


وصح لسانك إخــوي / [color=#FF0000]ضيف اللـه[/color]


والله يحسن عزاكم ويرحم فقيدكم ويسكنه فسيح جناته ..[/size][/color]

[color=#000000][B][align=center][img]http://www.al-jazirah.com/81643/ln13.jpg[/img]

رحمك الله يا شهيد الواجب ,,
رحمك الله يا مشاري ,,
صح لسااااااااانك يابو ريف ابيات رائعه بحق ,,
عظم الله اجرك وأجر أهل الفقيد وذويه ,,
تحيتي القلبيه لك على هذا الابداع ,,

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يامنشي بن آدم مـن الطيـن=والكون بامرك سايرٍ فـي نظامـه
أسكن مشاري بين روض وبساتين=وعن لاهب النيران حـرم عظامـه [/poem]

اللهم آمين ,,[/align][/B][/color]

[color=#330099][size=4][align=center]والعمر واحد.. بس بالذكر عمريـن
من راح تبقى سمعتـه واحترامـه
اموات لا زالوا مع النـاس حييـن
وحيين موتـى بالـردى والندامـه


ضيف الله

صح السانك

على القصيده الرائعه

والله يرحم مشاري رحمه واسعه

ويعوضه عن شبابه بالجنه

تحيتي وتقديري[/align][/size][/color]