منتديات عتيبه - مدح في عتيبه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مادام كل ٍ قام يمدح قبيلته = ويذكر مناسبها ويذكر فعولها
الي الفخر في مدح ربعي عتيبة = اللي تسلسل من هوازن أصولها
ربعي هل التاريخ والعز والفخر = ليامنّ دقّت للحرايب طبولها
الها اسمها الرنان مع ساير العرب = ليا ضيّقت بعض العرب صوتولها
مثل الجبال الشامخة فالجزيرة = مترامية عرض الجزيرة وطولها
من قو هيبتهم ومن قو باسهم = كل الديار اللي يبون وصلولها
ليا ساقوا العطفة وسارت جموعهم = الارض ترجف من حوافر خيولها
هيلا ً على ماقال الاول مهيلة = تطول رغبتها ولحد ٍ يطولها
تمشي برغبتها وتمشي بكيفها = ماكن ابه ناس ٍ من الناس حولها
لين انها وسط الجزيرة تمركزت = وشرّت على اطراف الجزيرة نزولها
بحدب السيوف اللي تجاذب قنيبها = وشلف ٍ عريضات ٍ وساع ٍ دحولها
ماتاكل اللي كل شيخ ٍ مجرّب = تخلي عن الخيل الاصايل حمولها
يوم انهم هاك الليالي تحدّروا = مثل المزون اللي تدلّت ثعولها
بروقها بيض السيوف الرهايف = ورعودها العزوة ليا ضاق جولها
وثعولها البارود عند انصبابه = والدم من فعل النشاما سيولها
هذي وانا ملفي فعايل عتيبة = ليامنّ جات المعظلات ارتكولها
ومن لاذ بحماهم من الخوف يامن = تضفي عليه عن البلاوي سدولها
يصير في عيطا ً قوي ٍ حجاها = تحجي وتذري من دخل في كفولها
من طيبها ينسب لها عدة اسما = اسما دواليب الدهر ماتزولها
ذكرت منها البعض والبعض الاخر = ما اوفي حروف رسالتي لين اقولها
ذباحة الحايل ولطامة العدا = حتى نعاتيت الطغاة اشهدولها
قدم العدا نار ٍ قوي ٍ جحيمها = وقدام وجه الضيف زين ٍ قبولها
ابوابهم طوال الليالي مشرّعة = ماحلّجوا قدم المسيّر قفولها
ان جاهم الطرقي لقى العود والشبب = ودلال رسلان ٍ تعاقب بدولها
يكيّف الضرمان خنّة عبيرها = أهل الكرم والمكرمات اتعبولها
وكل السلوم الطيبة من سلومهم = اسلومهم سارت ونالت قبولها
كم اصلحوا من مشكلة غير الاخرى = الصلح من بين القبايل ميولها
ربعي سراج الدين في ظلمة الجهل = ماتمشي الا مامشابه رسولها
قلته وانا شاعر وامجد قبيلتي = اللي من الحكمة ثقال ٍ عقولها
والشاعر اللي مايمجد قبيلته = ياعنك ماثمّن مساع ٍ سعولها
همه ليا غنى القصيد لمصالحه = ياكل به العيشة ويعرف دخولها
في مدح ربعه ماتدرهم قصايده = وفي غيرهم محف ٍ سماري ذلولها
مايدري الدنيا رحا ً مستديرة = يمكن عليه تدور ماحال حولها
وختامها مني صلاة ٍ على النبي = شفيع الامة يوم يزداد هولها[/poem]

الشاعر ملفي المورقي