منتديات عتيبه - اكتشاف مابعد كاريس

[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

اللي قهر كاريس وعيون كاريس=عين الهنوف اللي جنت بي جريمه
نجل العيون الفاتنات النواعيس=تنقل لنا عدوى وتبقى سليمه
الرمح عن طعنه تفكك متاريس=مار البلا رمح العيون العظيمه
لا سلهمت غارت عليك الكراديس=خيل الشيوخ أهل السطر والشكيمه
لا شفتها عشت بعذاب الهواجيس=مثل القهر لا زار قلب اليتيمه
تكره طبوع ابليس وتقلد ابليس=بغوائها وغرائها والضليمه
في عينها حكي انتقام المفاليس=من اهل الدراهم فارهين الوليمه
ياعنك لو شافه من الناس عريس=يصيب قلبه عن هوا البيض شيمه
لو شافه أبخل آدمي يرخي الكيس=تصبح سجاياه اللئيمه كريمه
الزين عقب نحيف الخصر تدليس=كذبه وصارت عقب خلي قديمه
الشمس خلي والعذارى فوانيس=كل الوجيه بنور خلي عتيمه
كن الجمال بوجه خلي محابيس=أطلق سجين أعطى الغنادير قيمه
يازين كل عروق قلبي ميابيس=عزي لحال اللي حبيبه غريمه [/poem]