بين الجبال السود عليت علا
 

جديدنا والمعذره اذا فيه قصور

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
القيض يفرق بين شمس وظلا=والشعر يفرق من وفي مالك الريب
طبع الاوادم لا ملك شي تغلا=اصبح يماريبه ولمثله ايعيب
اخذتني الايام بغدر وغلا=يكويني الهم واذوق اللواهيب
اتبع سراب الوقت واقول الا=في طرقة يدريبها بادي الشيب
اليا سلمنا من عناها نملا=سبحان من كون وقاد الرعابيب
الود لا لزم مافيه حلا=يما وفى والا حياة الاكاذيب
بين الجبال السود عليت علا=من هاجس بالصدر يشك التعاذيب
ماغير انا والقاف ونجم تعلا=والرنج واقف شوق المراقيب
اخشى من الصدقان رجل يزلا=لا هلت العبرات سكب السواكيب
ذكرت الحبيب اللي بحبي تسلا=يسوقني همه سوق الدلي والدواليب
انكان ما جاني وسلم وصلا=لا تدفنوني يا هل العز والطيب
خلوني بسيح مبطي مخلا=مافيه غير النصر والا اشهب الذيب[/poem]

[color=#00CC33][size=2][font=Tahoma]حسن الزيادي[/color]

[color=#CC3366]صح لسانك،،واعتلا شانك

قصيده رااائعه

يعطيك الف عافيه

ونتريا الزود من صوبك

تحيتي لك[/font][/size][/color]

[align=center]صح السانك

ياحسن

والرنج واقـف شـوق المراقيـب

هذا الشطر قد يكون فيه اخطا املائيه لان الوزن غير مستقيم بهذا الشكل

تقبل فائق احترامي[/align]

العنيده حياك

الاستاذ فهيد الرويس اشكرك على المرور والنقد ولكن كيف وجدته غير موزون؟