قصيده في الشيخ جهجاه بن نايف ابن حميد
 

[color=#00008B][U][font=Simplified Arabic]قصيده في الشيخ / جهجاه بن نايف بن حميد


في البداية نذكر المعبود علام السريره
في لسان المؤمن أحلا من قراهيد القراحى

يا يلاهي يا مدير الكون من غيرك مديره
يا الله التوفيق في التوثيق يوم شعر فاحى

ياسلام الله على شيخاً من شيوخ الجزيره
يوم ضربات السيوف ويوم زرقات الرماحى

يشهد المحدار من دار الحجاز أرسل نذيره
قبل يبغاها سماح ولا حصل منهم سماحى

أعتزى تركي وسل السيف من داخل جفيره
لين أخذها بالهجاد ولين اخذها بالصباحى

الزعيم الي خذا في نجد للعتبان ديره
قام حظه يوم حظ الخصم في المحدار طاحى

تركي بن حميد مقدام العرب شيخ العشيره
ماخذها كود بالموت الحمر خشم السلاحى

تركي بن حميد في نجد العذيه شب نيره
وحتما ها يشهد التاريخ في كل النواحى

وقومه عتيبه ليا جت في المواقيف العسيره
في الجنوب الشر زاحى في الشمال الشر زاحى

كم عدواً في نهار الكون حاس الله مريره
من قويين العزوم ومن بعيدين الشباحى

من طمع بعتيبه الهيلا تراه عما بصيره
أستقرو في قرارت نجد مرتاع اللقاحى

أستقرو في قرارت نجد بسيوفاً شطيره
من ينا حيهم يبا يتعب ولا يقدر يناحى

القبايل تجتمع ضده ويكسرها كسيره
علموني بيرق الشيخ بن هادي وين راحى

عقب ماهو في قرارت نجد قفابه بعيره
من ورى صبحا يصيح ومن ورى الحصاه صاحى

بعد تركي جاك بن شبنان وكمل في مسيره
عزوتن ياوي عزوه مايفارقها الفلاحى

يوم أخذ موجا ومبلش حان قتله في المغيره
للصديق اكبر معين وللعدو سم ذحاحى

ولا نسيت شيخ بن هندي مواقيفه كبيره
في الرحى ينشاف سيفه مثل برقاً يوم لاحى

والسطامي ما يلامي راح نصفه فوق عيره
ولا مير اللي غزابه قال لا عاده مراحى

ابن هندي يوم هدى هجت شريره
مايبون الا السلامه يوم دم الرجل ساحى

شيخنا مقدام قومة في الصعيبات الخطيره
يوم عرجا يشهدن حتى نسانيس الرياحى

وانتبه ظيف الله العفار مايشبه لغيره
يوم خصمه صار مثل الطير مكسور الجناحى

يتمنى شوفت العفار والمده قصيره
كم عقيداً حط راسه حفرتاً وسط البراحى

في زماناً يقدم الرجال والى ذل عيره
يوم كلاً من زناده زندهم يقدح قداحى

وعمك ابن بجاد قاد الجيش بسلاح وذخيره
في الفتوحات الكبيره يوم نور العلم ضاحى

وجدكم جهجاه ماينسا له فعولاً بريره
جمد الفتنه يا بوسلطان بسلوب ونجاحى

الشجاعه من طبوعه والايمان داخل ضميره
وطاعة الامام واجب كود شياءً مايباحى

وعمكم سلطان بن جهجاه فزعاته كثيره
يبذل المجهود في المحمود شيخ الشمل صاحى

وشيخنا نايف بن جهجاه له نظره خبيره
مدحكم ياشيوخنا من فوقنا مثل الوشاحى

الله انه يرحم اللي راح والدنيا ضريره
يامحبين السلام ويامداوين الجراحى

وشيخنا فيصل بن سلطان له في العلم سيره
شيخ شمل واقفت الأمير مافيه مزاحى

وشيخنا جهجاه بن نايف عسى في الأمر خيره
الشجاعه والزعامه والكرامه والصلاحى

بارك الله في بلد عروى وسكانه وأميره
ديرتاً ماتنسى يااهل القلوب الصحاحى

ديرة الاد الكريزي يوم دق الحرب زيره
عزوتاً ماتوخذ باعرهم بوسط المراحى

والله أنا مامدحنا صاحب اليمنا القصيره
مامدحنا الا شيوخاً يستحقون المداحى

آختامها صلو على المختار ياوجهين سفيره
عد مادن الرعد وعداد برقاً يوم لاحى[/color]



[color=#FF0000] ( غرور كريزيه _ حفيدة مروض قبايل نجد ) وجهان لعمله واحده [/font][/U][/color]

[align=center]قصيده رائعه

ياغرور

بس مادري وش اسم شاعرها

تحيتي[/align]

[size=3][color=#0099FF][font=Simplified Arabic] تسلم وسيم على المرور العطر .. والقصيده للشاعر سعد المقاطي [/font][/color][/size]

[color=#003366][size=4]مشكورة على هذه القصيدة
الرائعه يا أخت غرور صح
لسانج و ننتظر جديدج
أختي و تسلمين [/size][/color]

تسلم على المرور

[color=#330033][size=5]صــــــــــح لسان قايلها

وسلمت يمين ناقلها

قصيدة راااااااااائعه

يعطيك العااااااااااافيه

لاخـــــــلا ولا عــــــــــدم[/size][/color]

تسلم على التواجد العطر اخوي

لاهنتي ياغرور على حسن الاختيار قصيدة لايعلى عليها في مدح شيوخ يستاهلون المدح

00
 

[size=3][color=#000000][font=Courier New]تسلم ابن ثعلي على المرور المتألقـ[/font][/color][/size]

غرور يابنت كريزي صح لسان شاعرها

وسلمته يمين كاتيها

ولاهنتي على النقل

تقبلي مروري