دفاع عن الشعر القصيدة الثانية
 

أقدم لكم رائعة من روائع الشاعر العلم /محمد بن مويسان المغيري
أليكم القصيدة

يالله ياكاف البلا دافع الشر @@ يامنزل الذكر الحكيم وبيانه

والعبد في حكمه وينهى ويامر @@ محدن شريكٍ له بملكه وشانه

يالله تكافينا شقا اليوم الاقشر @@ الي يشوف الرجل فيه الاهانه

اليوم شفت من الدهر ميل وعبر @@ نامو صناديده وقامو خنانه

والخامل المجهول قام ايتظهر @@ نفض غباره واحترك مع اخوانه

واشوف في شعر النبط حشو وكسر @@ اختل قانونه وزاد امتحانه

لا والله الا صار شعر النبط مر @@ ماعاد له قيمه ولا له مكانه

قامو يبيعونه على كل من مر @@ دوك الجرايد عان فيها اعلانه

فيما مضى سوقه عن المشتبه حر @@ عليه عن لص المعاني حصانه

واليوم وقته صار مظلم ومغبر @@ مدر البلا فالشعر والا زمانه

يامن خبر للشعر مبسط ومتجر @@ الشعر ياهل العرف مثل الامانه

اللي يبيع الشعر شخصٍ مهستر @@ مسلوب عقل ولاتعده تكانه

الله يلومه يرخص الماس الاشقر @@ حمه من الشعار يقطع لسانه

كم من سفيهٍ غره الوقت واغتر @@ اللي على الطقه يزود ارثعانه

وبعض العرب كنه جهازٍ على زر @@ اتشغله وتسكته في مكانه

واليا اشتغل يدوخك هرجه مكرر @@ خبلن تعل الكبد ريحة اصنانه

يقول شاعر ويعرج ويتطمر @@ مثل السبوق اليا رثع في بطانه

وكم من هذور ضامنه قام يفتر @@ تجمعت عشره وغطت ثمانه

تفقعت فيه الجلد والدبل صر @@ وعقب السفر بحتاج ورشة صيانه

ياللي تباهاا بالكلام المجير @@ ثوب العواري مايغطي عرانه

عريان من شعر النبط ومتميزر @@ ياخذ ويعطي في قصايد جهانه

يلقى فالانتر نت شعر مسطر @@ ياناس الانترنت راس اللعانه

والله مايقدر على الفر والكر @@ لاشاف ابو جامع يجهز حصانه

انا معانيه مسامير واوبر @@ يبلش بها خصمي ويكثر جنانه

يفوح دمه من وحمها ويحتر @@ ويمكن يخر الزيت مع كل خانه

والا يموت من الزعل ويتفجر @@ ماعاد يحييه اكسجين اسطوانه

واليا وصلنا قمة الضلع الاسمر @@ ماعاد تنفع مشيته وعديانه

الحذف حامي والاصابات تكثر @@ ستين في راسه وستن وزانه

واردده لين ازهر الذيل يجحر @@ والا يبين ويختفي في مكانه

وان ماغسلته غسلة الثوب واعبر @@ تحرم عليه مسكت الخيزرانه

واليا بغيت القول مانيب معسر @@ ولاغطني موج البحر واصفقانه

ولانيب من يفقد مسيره ليا ابحر @@ اعرف مسيري في المحيط وكيانه

الشعر اله معنى ومارد ومصدر @@ ياللي تبي شعر النبط دوك عانه