قصيدة حمود العريدي في فيحان ابن تركي ابن ربيعان
 

[align=center]السلام عليكم ورحمة الله وبركاته ,
هذي القصيدة من آخر ماكتب الشاعر القدير / حمود بن محمد الازهر العريدي ,
صورة حمود العريدي وابنه تركي
[URL=http://up3.m5zn.com/showimage-10-2008-d8qhxk5qfjh.jpg][IMG]http://up3.m5zn.com/get-10-2008-d8qhxk5qfjh.jpg[/IMG][/URL]

في الشيخ : فيحان بن تركي بن ربيعان .. ,
آمير الفوج التاسع وذلك لـ مواقفه المشرفه النبيله في بذل الخير , وعن موقفه في مساهمته في اعتاق رقبة الحميدي بن عبدالله بن صاهود العريدي .. ,[/align]








[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسلام الله علـى شيـخ الحمايـا = سيفنا لا من حصل فالوقـت ريبـه
شيخنـا فيحـان قـواد السـرايـا = شال حمل ٍ مايشيلونه عتيبه
قـدّم المليـون لربوعـه هدايـا = واستعد لـ( باقي المبلغ ) يجيبـه
( 11,000,000 ) من كبر البلايا = واحتتسبنا يـوم ركبتنـا المصيبـه
واتكلنـا بالـولـي رب البـرايـا = ماش محوال ٍ بعـد مبـدا الرقيبـه
يـوم جتنـا ماحسبنـا للسـوايـا = دام ابو نايـف ذرانـا نلتجـي بـه
علّمه تركـي بصعبـات الوصايـا = قال لا ترضى على ربعـك غليبـه
مـا يسـرّك لا تعظْمـت القضايـا = كود مثل الشيخ شيـال الصعيبـه
نرفع البيضـاء لرجـال العطايـا = محزمي وعصاب راسي وأعتزي به
اشتهر بالطيب مـع كـل النحايـا = فعل ابو نايف ترى كـل ٍ دري بـه
شيخنا ماله علـى البيـداء حلايـا = مـا يفافـي بالمواقيـف الرهيبـه
من ذوي مسلط وسلطان الدهايـا = من حضر منهم يسد اللـي مغيبـه
فزعتي لا فرّعن بيـض الصبايـا = مثل تفريعـة مضـاوي بالحريبـه
يوم صاحت من رفيعـات الحنايـا = والجمل حوّل على شوبـن شبيـه
حولـوا ربعـي بسـلات ٍ ضمايـا = واسقوا المصقول منروس ٍ صليبـه
في نهار ٍ فيـه حومـات المنايـا = نشرب الفنجـال ونخلـي سريبـه
ما خذينا الطيب بـ( علوم ) وحكايا = كود في يوم ٍ مضاريبـه عطيبـه
من بني ثابـت وسيعيـن النحايـا = فزعة المظلوم .. لا جت بالغصيبه
رافــع ٍ راياتـنـا رب البـرايـا = مانبي من سايـر العالـم ضريبـه
لابتـي لاجـت علينـا بالقصايـا = من صلايب روق وربوعي عتيبـه [/poem][/[/[/poem]poem]poem] [/poem][/poem]
دمتم بخير ,[/poem]