أهل سبلا وأهل لظيا مصابيح الليال السود
 

[align=center]في ليلة اجتمع شيوخ من كبار شيوخ عتيبة

في حلة الوبارى الشجاعين من العصمة


أقام ذوي عسيود من الوبارى احتفالاً على شرف الشيوخ الرباعين في مدينة الطائف وفي قصر السحاب


ثالث أيام العيد المبارك


وقد حضره العقايلة شيوخ قبيلة العصمة


و طالعنا الشاعر المبدع الفحل غالب بن زيد أبو كتيفه العمري العصيمي


بهذه الدرة الثمينة

فأحببت أن أسطرها في منتدانا العريق منتدى عتيبة


بسم الله الرحمن الرحيم

هذه قصيدة الشاعر غالب بن زيد ابو كتيفه في الحفل التكريمي الذي اقامه

الوبارا للرباعين والذي شرفه ايضا شيوخ قبيلة العصمه العقايله




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الا يالله ياللـي لـك عبـادك راكعيـن سجـود=وألسنهم بالدعاء تلهج طمع والخـوف يخنقهـا

عسانا مـن قبلـت صيامهـم يـارب يامعبـود=وغفرت ذنوبهـم ورقابهـم برضـاك معتقهـا

نجاهد فالحيـاه وكـل يـوم جهادنـا فـي زود=ولا يمكـن توفـق نفـس عبـد مـا توفقهـا

نخاف نموت جوع ونجتهد ونكـرس المجهـود=وناسين انك اللـي تخلـق الانفـس وترزقهـا

وناسين ان هـذاك المكـان ويومنـا الموعـود=تقربنـا لـه السـاعـه لـيـادارت دقايقـهـا

بعدها ياقصيدي حـان وقتـك ماعليـك قيـود=لعلـك ترضـي الاذواق والغـايـه تحققـهـا

تفضل ياقصيدي جود في حضرة وجيـه الجـود=تراها فرصـة يـا شيـن حـظ مـا يوافقهـا

هلا في محفل اللي يذبحـون الحـق والمفـرود=رجـال كـل ماتبـدي لهـا قـالـه تغلقـهـا

ارحب باسم قطمان المحـازم محتميـن القـود=ليا صاح النذير وركبـوا مـن الخيـل سبقهـا

هذولا عزوتي والنصـر فـي غاراتهـا معقـود=يثـور النصـر معهـا كـل ماثـارت بنادقهـا

فروسيه . شهاميه . كرم . من عهد آباء وجدود=فعـول ثابتـه تبـت يـد اللـي مـا يصدقهـا

واظني يوم اعد فعـول ربعـي مابهـا منقـود=أكيد الناس لـولا الفعـل مـا بانـت فوارقهـا

هلا عد المخايـل يـوم يجهـز نوهـا ويقـود=ليـا منـه زهـم رعادهـا واشتـب بارقـهـا

هلا عد النسايـم كـل ماهبـت بطيـب العـود=ليا ذعذع لها الغربـي وطيـب العـود عانقهـا

هلا يامروية حـد الحسـام الصـارم المجـرود=هـلا يـاروس قـوم ماتلـيـن الا لخالقـهـا

شيوخ فعلهـم بيـن الفعـول الغانمـه معـدود=تزيـن المفـرده بفعولهـم يــوم اتطرقـهـا

اهل سبلا و اهل لظيا مصابيح الليـال السـود=شيـوخ مـن شيـوخ عتيبـه الله لا يفرقهـا

عتيبه كل مـا طـال النهـار ودنـدن البـارود=وقـام مولـع الفتنـه مشاهيـبـه يلاحقـهـا

نبيع اعمارنا دون الوطن وملوكنـا آل سعـود=لهـم برقابنـا بيعـه وحنـا اللـي نوثقـهـا

ملكنـا يـا ملكنـا ياسندنـا فالنهـار الكـود=ليا مـن المشاكـل والفتـن شبـت حرايقهـا

ملكنا يا ملكنـا جعـل عيـد الله عليـك يعـود=تهنيـك القبيلـه كلـهـا بلـسـان ناطقـهـا

عتيبه والزمن يعرف عتيبـه والرجـال شهـود=على وقفاتنا فـي حاضـر الهجـره وسابقهـا

عتيبه يوم كان الناس احد طارد واحد مطـرود=على نجـد وطـوارف نجـد رافعـة بيارقهـا

نزلنا نجد بالسيف الصقيـل وباشقـر العبـرود=ومن دونـه وعنـه القـوم نحداهـا ونفهقهـا

وناصرنا معـزي ليـن خلاهـا سهـود مهـود=يمنها . شامها . من حدها الغربـي لمشرقهـا

بنا له صرح يبقى صرح في وجه الزمن مشيود=ودستـوره كـتـاب الله والسـنـه يطبقـهـا

واظني يوم اعد فعـول ربعـي مابهـا منقـود=أكيد النـاس لـولا الفعـل مابانـت فوارقهـا [/poem][/align]