لا تحسبني...
 

لاتحسبني يوم انا اطريـك مغليـك
يمكن مع سير السوالـف طريتـك

العام تنساني وانـا اليـوم ناسيـك
كلك على بعضك ترانـي نسيتـك

ماني على رجواك يازين ناصيـك
اموت في عـزي وانـا مارجيتـك

كل المشاعـر فيضهـا ماتدانيـك
دامك تشكل في غـرورك وطيتـك

كنت اتحاشى غلطتـي ماتباريـك
حتى وانا مجرووح جيت وعطيتك

اعطيتك افراح العمـر والتباريـك
وان داربك همك رحلـت ولقيتـك

واليا طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

واداعب احلامك واناجـي لياليـك
وان مرني طيفك مشيت وسريتـك

واليوم بدلـت المشاعـر تماتيـك
وأقصى ضلوعي عن هواها قصيتك

يحرم علي اليـوم بسمـك اناديـك
وش عاد لو قلتـي ترانـي فديتـك

صح السانك بافهد العصيمي ما قصرت
تحياتي

صح الساانك والله يافهد على هالقصيده الرائعه

والى الامااام طال عمرك وننتظر جديدك ياقرم

دمت بود

يسلم يمينكم يالربع على الرد الرائع وعلى مروركم وتقبلو فائق احترامي...

[size=4]صح لسانك يابن عاصم

وسلمت يمينك

فعلاً قصيده تستحق الإعجاب


وتقبل فائق إحترامي[/size]

فهد صح لسانك لاهنت يابطل

تحياتي لك ولكل حرف عذب سطرته هنا

قصيده تحمل عزة نفس واضحه

شكرا لك

ولاتحرمنا من تواصلك

مشكور على القصيده الرائعه

صح لسانك اخوي فهد العصيمي


وبيض الله وجهك



تحياتي لك ،،،،،،،


اخوك النـايــــــــف

يسلم يمينكم يالربع على ردكم الرائع وصح بدنكم ولا هنتم وتقبلوو تحياتي لكم ..

[align=center]صح السانك اخوي فهد[/align] [align=center]تحياتي اخوك تركي[/align]