الــلــغز الــرابــع
 

مساكم الله بالخير

ياجماعه هذا اللغز الرابع بس تراه اسهل من الألغاز اللي قبله


اللغز يقول :


[size=5] أنشدك عـن رجلٍ يـدل الريـاجـيل ..... دربـه دهر ماينـبت اللي وطابه

أصقه عمى مايسمع القال والقيل ..... وليا حضر فك النشب والطلابه[/size]


وتقبلوا فائق إحترامي

[align=center]اخوي الغريب[/align] [align=center]ابرمعه يالذيب[/align] [align=center]وشرايك بالقار[/align] [align=center]الزفلت[/align] [align=center]تحياتي لك[/align] [align=center]اخوك تركي[/align]

اخوي تركي مالك لوا

حاول مره ثانيه انا حاس إنك أنت اللي بتحله

الكفر أو الدركسون ..

(محاوله)

للأسف بقول لك لا

بس إذا أنتي بدويه بتعرفينه

العصا ..

(محاولة)

للعلم تراني روقيه ..<-- معصبه غلطت عليها ..

لا لا لا ماعاش من يغلط عليك يابنت روق

لا تفهميني غلط ياقرنقش انا قصدي ان اللغز المطروح

البدو يعرفونه اكثر من الحضر لا يروح بالك لبعيد ...


وحلك الثاني للأسف خطأ

مساء الخير اخونا المتميز والرائع الغريب (اسماً فقط) ...!



الحل ياطويل العمر هو


الوسم ( كل قبيلة لها مطرق وشاهد)

مساك الله بالخير والعافيه اخوي ابن ثريان

أولاً : أشكرك كل الشكرعلى هذا الإطراء

الحلو اللي أخذ حلاوته من حلاوتك

ثانياً : صح لسانك صحيح الحل هو ( الوسم )

ثالثاً : قلت الغريب ( إسماً فقط ) وكأنك تسأل

لماذا الغريب وانا بين ابناء عمي وإخواني فمثل

ماقلت مجرد إسم ( مستعار ) وإخترت هذا الاسم

لأني احس به الاقرب الى نفسي ..


وتقبل فائق شكري وتقديري

( ابومشاري العصيمي )

اشكرك ابو مشاري جزيل الشكر

ونحن في انتظار الجميل والاجمل ...!