منتديات عتيبه - الشاعر الكبير غلاب بن ود البراق يرد على الشاعر الكبير فلاح بن مبرد الحميداني

[align=center]هذه القصيدة للشاعرالكبير فلاح بن مبرد المطيري التي القاها في مسابقة شاعرالعرب المقامه في دولة الكويت وتبثها قناة رواسي المطيرية[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
ياطيـب المعنـى مقامـك بـراسـي=الياضمحل من الوفـا كـل مدسـوس
دايـم وفــاك يهـزنـي لقتبـاسـي=لاحسني من بعض الاوضاع حاسـوس
لااقبلـت كلـي مايـبـدد حمـاسـي=لفح الرياح العاتيـه والهـوى كـوس
ماغيـرت مجـراي كثـر الحساسـي=ولاهزني من تافـه الهـرج نـادوس
اشري جديد الخـام والبـس مقاسـي=ولااستعير من بعض المخاليق ملبوس
من وفا المعنـى علـى قـو ساسـي=مستخلصه من عمق الاحساس هاجوس
يلقابـه الـي مـن زمانـه يقـاسـي=فن وكرامة نفـس واعـلاج منفـوس
راع الوفـا يظهـر وفـاه متـواسـي=للحـق منهـاج وللـعـدل قـامـوس
واليوم ابـا اقـدم بشاشـة رواسـي=علم وكاد بقاف اشطـر مـن المـوس
بالشـك مايدخـل عليـه التبـاسـي=معنى من الواقـع مدقـق ومـدروس
صنع الظـروف وهاجـس دبلماسـي=مرماه من قوس المعاني سهـم قـوس
للظلـم باسـرار النفـوس انعكاسـي=شي من الماضـي مجـرب وملمـوس
ياجاهـل التاريـخ مـاهـو بنـاسـي=قدامنـا بالـدرب رواد واعـسـوس
من حط من قـدر الجبـال الرواسـي=يسقط وياخـذ واجبـه مثـل حنـوس
خصم السوالـف والكـلام الاساسـي=مشاركتنا بسـم ابـو زيـد نامـوس
رمز الوفا فـي قمـة المجـد راسـي=وخال الملوك الي على الضد عاكـوس
سـادات قـوم وساسـة ماتسـاسـي=لاشانت العمـلات والحبـل ممسـوس
كم طمنـو راس مـن الظلـم قاسـي=وزادوه مـن وقفاتهـم علـم ودروس
قلتـه وفـا ماهـو لجـو سيـاسـي=ماني بضيف باسياسه علـى الـروس
[/poem]

[align=center]وهذا رد الشاعرالكبيرغلاب بن ود بن مروي الثبيتي العتيبي على قصيدةابن مبرد[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
حسبي على فلاح شعره حماسي=هيض علي هجوس وهجوس وهجوس
وطغت مفاهيم النظام القياسي=على خطوط الطول والعرض بالقوس
وضاقت محيطات البحور ومراسي=سبع النجوم اللي لها ناب وصروس
وطاح الجمل لكن ماهوب امتواسي=في غاربه خنجر وفي ثفنته موس
رد الخبر يامبعدين المماسي=وقولو لأبن مبرد وطا الأرض مانوس
دهنة ففيه ايدام حمر التباسي=مفعولها لمفتح العقل ملموس
تبدلت عقب الغنا بالفلاسي=وعقب الرخا والأمن بالخوف والبوس
وثلثينها ماتو ضحايا التناسي=وثلث بقا هياكلن مالها روس
وسود الليال المرمسات النواسي=ارشيفها لمدور العلم قاموس
يلقا بها وقب اللزوم اقتباسي=ليا دق به مع هجعة الناس هاجوس
ولقا بها حاكم عروش الكراسي=قضية من همها نوح متعوس
شريدة الخطين خط التكاسي=وخط السفاره بي برلين والروس
عميل كسرى فالبلاط الرياسي=اللي قضاله عام وشهور مركوس
عندالزنوج امجودين الركاسي=اللي بلا غيره وفي حربهم شوس
على الردى ماهو على طيب ساسي=ولا هو على عزة كرامه وناموس
على الخساسه بين هاك الخساسي=ثلثين عمره عاشها جوف كابوس
واليوم لاذاكر ولاهوب ناسي=العمر فالتسعين والمخ ملحوس
ويبي القساوه مار ماهوب قاسي=جمهات راس ناخرن مخه السوس
جنسية ضاعت مابين الجناسي=لولا التميمي داسها وقتها دوس
اليوم صار الها بطين مساسي=وتبي تريس بين ريس ومريوس
لكن خاسي واسود الوجه خاسي=امدرس التوراه بوذي وهندوس
املبس الماص الحمر بالنحاسي=اللي تلقا ماتلقاه حنوس
غريسة بين الغرايس اتراسي=يروسها عدوس وامثال عدوس
سرابها تاسع ليال النفاسي=نجع عقب كون الغريمين منحوس
وياقو باسي من نعاطيس راسي=لكن اخاف يفسر العلم منكوس
في ساعتين انجزت فصل دراسي=ولاني وكيل ادم على كل جاسوس[/poem]

[align=center]الشاعرالكبيرغلاب بن ود بن مروي الثبيتي العتيبي[/align]