منتديات عتيبه - ما انتي مثل نوت وانا ماني عقاب... اطلالة اولى

[align=center][color=#8B0000]
يسرني ان اشارك مع اخواني في منتديات عتيبة وهذا شرف كبير ان اتواجد بينهم ...

تقبلوا متواضعتي بعين الرضا ..

[/color][/align][poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=1 align=center use=sp num="0,black"]
ما عاد باقي لك مشاريه وعتاب= ما دام بالعشرة عتاب ومشاريه

ان كان هذي فعلة احباب باحباب؟= ما عاد باقي للعدو ما يسويه

ما ارضى نعيش الحب في شرعة الغاب= الله , ولا عشق جلب ذل راعيه

شمس الغلا غابت وبدر الغلا غاب= يعني نهار الحب يشبه لياليه

اول اقول :الهجر عادة للاصحاب= لو ما يجيني تالي اليوم لا اجيه

اخفض جناح الوصل من باب الاعجاب= ويخطي , واعاتب من يحاول يخطيه

واقول : يا ما احلا خطا تلع الارقاب= واعد سيات الغضي من حسانيه

لكن صحيت وكل غلطة لها حساب= ( بعض العرب لا تمونه تبتلش فيه )

اصبح سكوتي ذل واعجابي ارهاب= فاهم غلط ( والعقل من حظ راعيه )

وش جاب لين الحب للذل وش جاب؟= صحيح .. ( كل إناء ينضح بما فيه )

روحي بدربك جعله ورود واعشاب= وانا طريقي جعل الازهار تكسيه

لا انتي مثل ( نوت ) وانا ماني ( عقاب )= كلن عسى الله في طريقه يهنيه

لو ما بقا في كوكب الارض جذاب= بدري عليك انكس الراس واحنيه

عزي ومقداري وراسي وانا شاب= حتم علي من المذلات لا احميه

طبع من الله لا تطبع ولا اكذاب= والسيل ماله غير سابق مجاريه[/poem]

[align=center]
[color=#8B0000]
اخوكم خلف الغريب العنزي
ابو خالد[/color][/align]