منتديات عتيبه - أهالي رهاط يحتفلون بالشيخ عبدالله بن عمر بن ربيعان شيخ شمل قبائل عتيبة وبعض مشائخ عتيبة واعيانها

[color=#0000FF][align=center]السلام عليكم ورحمة الله وبركاته

قام الشيخ:[/color]
[color=#FF0000]عبدالله بن عمر بن ربيعان شيخ شمل قبائل عتيبة
والشيخ / صنيتان بن محمد الظيط من كبار شيوخ المزاحمه
والشيخ سند بن مسري الزلامي

والشيخ / حجاب بن مسري الزلامي
شيخ قبيلة العوالي من عتيبة

والشيخ / ناصر بن عمر بن زيد
شيخ قبيلة السمره من عتيبة

[/color]

ومجموعه من مشائخ واعيان قبيلة عتيبه

[color=#FF0000]بزيارة لقرية رهاط
يوم الخميس الموافق:14/7/1429هـ

بدعوه من
الشيخ/ شجيع بن جابر بن حباب الزراقي
وقد كان
الاحتفال بهذه المناسبه
في قصر الريف بقرية رهاط

وقد شهد الاحتفال مجموعه من القصائد
لبعض شعراء ذوي زراق

امثال الشاعر شبيب الزراقي
والشاعر سعدون الزراقي
والشاعر فلاح مرشد الزراقي
والشاعر حسين بن زيد الزراقي
وفالح بن عزوان الزراقي

وسنورد بعض هذه القصائد من خلال الموضوع

الان نترككم مع صور من الاحتفال [/align][/color]

[align=center][IMG]http://www.otaiby.com/vb/uploaded/904_1216526417.bmp[/IMG]

[IMG]http://www.otaiby.com/vb/uploaded/1_1216529626.bmp[/IMG]

[IMG]http://www.otaiby.com/vb/uploaded/11057_1216524139.bmp[/IMG]

[IMG]http://www.otaiby.com/vb/uploaded/11057_1216524606.bmp[/IMG][/align]

[align=center]وهذه قصيدة الشاعر الهرم شبيب بن مرشود الزراقي في هذه المناسبة الاحتفاليه بشيخ شمل قبيلة قبائل عتيبة الشيخ عبدالله بن عمر بن ربيعان [/align]

[poem=font="Simplified Arabic,5,blue,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]
يالله طلبتك يالكريم الليـي ليـا سيـل استجـاب=ياواحدن ماله شريـك وكـل شيـن فـي يـده
ياغافر الزلات عن عبـده ليـا استغفـر وتـاب=يامبـدل السيـات بالحسنـات لـلـي يعـبـده
يالله توفقني وتهدينـي علـى قـول الصـواب=اللـي يجملنـي وعـراف الـرجـال تمـجـده
ماني بمثل اللي يطاردهـا كمـا طـرد السـراب=انظم جزيل الشعر وابني بـه قصـور مشيـده
خصاً ليا شفت الرجال اللي لهـم بـاب وجـواب=اللـي مزاياهـم بطيـب افعالـهـم متـعـدده
مثل الشيوخ مصطرين المجد تسطيـر الكتـاب=اشيوخ روق اللـي لخدمتهـم جنـود مجنـده
يامرحبا باسم القبيله فـي محـل ابـن حبـاب=ترحيبـة يبـذل بهـا الرجـال جـده وجهـده
يامرحبـا حياكـم الله عـد همـال السـحـاب=اللي من المنشـا يهـز الارض دنـدان ارعـده
اللي ليا خيل علـى روس المسايـل والهضـاب=سيله تضيق به المسايـل قبـل ينمـاح بـرده
انتم لكم تقديـر غالـي عندنـا شيـب وشبـاب=هـذا كـلامـن يثبـتـون الاد زراق سـنـده
حنا ذوي زراق اشـد مـن النمـاره والذيـاب=زبـن الدخيـل وفعلنـا كـل القبايـل تشهـده
يوم الحرايب والمغـازي والعـزاوي والعتـاب=حـدود روق اللـي جهتنـا ممنـه ومـحـدده
واليوم حكم ابن سعود اضفى على الناس الحجاب=كلن على كيفه يعيـش ويهتنـي فـي مرقـده
وانتم مذاخير الشيوخ مروية روس الحـراب=ركابـة الجيـس الاصايـل والخيـول الجيـده
وانتم حرار من الحرار اللـي يحلـون الصعـاب=والشيخ لـه مركـاز والمركـاز يحمـاه ولـده
مثل عمر غطى على تاريخ ابـن غانـم ذيـاب=والله ونعـم بـه وبالثبتـان قبـلـه وبـعـده
ابن ربيعان اشتهر من صغر سنـه ليـن شـاب=بالطيب واللي يشتهر بالطيـب محـدن يجحـده
لبس المراجل مثـل لبسـه للمشالـح والثيـاب=واليا نخاه اللي حـداه الوقـت يبشـر بسعـده
والظيط راع السيف ابو حدين مصقول النصـاب=عمهوج سوى في نحور الترك قومـه وقعـده
وابـن محيـا فالمواقـف لايــذل ولايـهـاب=اللي على سيفه وخيلـه كلـن شيخـاً يحسـده
وانا ماجيتكـم مـن شـان بلقـي لـي خطـاب=جيت اتكلـم بالحقيقـه وابلـغ القـول اوكـده
يالله عسى من جابكم يجزى بالاجـر وبالثـواب=والعذر منكـم والسمـاح اهـم شـي نقصـده
وختامها صلوا على من قام بشـرع الله وانـاب=شفيعنا الللي حطـم الاصنـام ووفـى بوعـده
[/poem]