منتديات عتيبه - قصيده وبعض الخواطر ,, اخترتها لعلها تعجبكم ,,

[frame="7 80"][size=4][align=center]السلام عليكم ورحمه الله ,,

قــبل ان ابداء بما اخترته لكم من قصائد وخواطر اود أن اعرفكم بنفسي ,,

مــاجــد العصــيــمي العــتــيــبي
من ســكــان نـــجـــد العذيـــه
وطالب جامعي في مراحلي الاولى ,, دعواتكم لي بالتوفيق ,, والعمر 21 سنه ,,

بسم الله ,,
هذه ابيات كتبتها بعد تخرجي من الصف الثالث الثانوي بعد افتقادي لعدد من الزملاء وصارت مقابلتنا لبعضنا البعض بمجرد الصدف في الاماكن العامه ,,

[color=#0000FF]يا ما هويت السهر لاصرت وحداني
اسهر واسامر ذكريات الوناسه

الله ياوقت تعـدى والزمن فــاني
يومه يساوي غـالي السـعر ماسـه

اصحاب وشتـت شمـلنا هالـزماني
محد(ن) بقـى مستانسا وسط ناسه

ايام وخــوه رجال مابـهم دانـــــي
كل(ن) بطيبه مسند(ن) من على ساسه

واليوم من عقب التفرق والبعد حاني
مانحــفــظ الا كلــمه حــيل حســاســه

فــلان ويــنه وذاكــ ويــنـه الــثانــي
وصل سلامي له من راسـي لراســـه[/color]

______ ______ ______

وهذه بعض الابيات الغزليه اخترتها لعلها تعجبكم ,,

[color=#0000FF]شتت الله فكري يومني تعلقت بصافته
احسبني عايش(ن) واثري بدنيا شبه ضايع

كل يـوم وكل سـاعه اتفكر في حلاتــه
ثم اجسد كل لحظه بيني وبينه وقائع

لاقبل ليمي وشفته قلت في نفسي هلاته
ولاقرب يمي وتكلم قلت هرجه شي رائع

ولامشى ثم راح عني صرت ذاته هو ذاته
صرت اقلد نبرته في صوته وبعض الطبايع

باختصـــار اقولهـا صـرت ذاته فـي مراته
الا ان معــه نور ساطــع وزايــد وشايــع

الا نور مصاحبه في كل خطوه من خطاته
لو يصادف شي صلب في طريقه صار مائع

حتى في نومي طلعلي وراح فكري في همساته
حتى اني في حلومي اتبعه و اقول طــااايــع[/color]

_____ _____ _____

((وهذه بعض الخواطر ))

[color=#0000FF]لاضاقت الدنيا وانا خاطري شين
وبين على وجهي جلال الهمومي

قمت ونهضت وثم صليت ثنتين
للواحد اللي له صلاتي وصومي

ياكم ضيقه صرت من بعدها زين
بفضل العزيز اللي له الفضل دومي[/color]

____ ____ ____

وهذه خاطره اخرى ,,

[color=#0000FF]ساهــرا ليلــي قبل اربع ليـــال
وانفجر دمعي على حساب الحنين

غايب(ن) عن عيني حاظر بالخيال
المـحــه وتزود صرخـات الونــين

انكسر عزمي ودمع العين مــــال
انسـكب كنه مقيد له ســنــين

انعقـد فــكري بعقد من الحـــبال
صورته ثم ضحكته يالله تــعين[/color]

وسلامتكم جمــــيــعا ,’,

اخوكم ماجد العصيمي ,,[/align][/size][/frame]