منتديات عتيبه - أهل العقول الراجحة

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من لايطولك يالعنب بالعناقيد= حامض علاك يقول مانته بجايد
ومن لايفيدك يالبكار المفاريد= مايكسب إلا العرج ولا الرفايد
ومن لايشيد منزله فوق تشييد= جعله طعام الدود وسط اللحايد
واللي بشبابه عاش مّْسُيوْد ومسيد= تراه عقب الشيب ماهوبسايد
ومن لالتقاء بعداه مايضيم ويكيد= ماهوب للشجعان بالحرب قايد
واللي يعيش بذل بيموت رعديد= وباللي يعيب الناس تلقى الزهايد
ومن لارمى مايحكم الرمي ويجيد= عن الهدف رميٍ رمابه محايد
ومن لايحسب حساب زياد ومزيد= مايهتني بالنوم فوق الوسايد
فندت من جزلات الامثال تفنيد= تركي على بعض الكبوداللهايد
حددتها من صافي الفكر تحديد= فكرٍ على الصلفات راعي عوايد
كلن حسب عرفه بماحوله يشيد= وانا مااقول إني عن الناس نايد[/poem]

هذه مجاراة لقصيدة الاخ ابن مسلم (( حامض علاك ))

واتمنى يتقبلها بروح رياضيه...

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
يا هاجسي شدي على القاف تشديد=وارمي هزيل القول وهاتي الشدايد

عسى قليل المعرفة عني بعيد=محايدٍ عني وانا عنّه محايد

ما اخبلك يا رجالٍ يزل ويحيد=عن الصواب يعاكسه رون سايد

من لا ينقد هرجته قبل تنقيد=اهل العقول الراجحة والسدايد

يمشي على العميا ونعطيه تمديد=اما صحا نركي عليه الوقايد

اعلمه بالعلم ثم لازم يهيد=من صدق علمي يصبح الخبل هايد

ملبدٍ حاله من الزور تلبيد=وانا كشفت اليوم عنه اللبايد

الله خلقني بين هالناس صنديد=وعن اكثر العربان بالعقل زايد

سيدٍ على مثله وبالمعرفة سيد=ولا همني لو ثار وكثّر وعايد

قلت الحقيقه دون زيفٍ وترديد=عساه يفهمها قليل الفوايد

هذا اختصار القول ولعله يفيد=وما قل دل وكثرة القول بايد[/poem]