قلت الوداع وجاوبـت دمعـة العيـن
 

[align=center][B][size=5][color=#00008B]
هذه قصيــــــدة تحكي قصتها أبياتها

مع الإعتذار للزميــــل القديــر الماجــــد[/color][/size][/B][/align]








[poem=font="Simplified Arabic,5,black,normal,normal" bkcolor="transparent" bkimage="backgrounds/43.gif" border="none,4,gray" type=0 line=0 align=center use=ex num="0,black"]


قلت الوداع وجاوبـت دمعـة العيـن =تجـرح بساتيـن الخـدود النديـه

واغضت وشفت بعينهـا الحزن حزنيـن =وصاحت على الفرقا انـا مـو قويـه

وجاوبتها ارجـوك تكفيـن تكفيـن =والله دمعك يشعـل النار فـيّـه

وقالـت تعاهدني عـهـاد المحبـيـن =الله يخـون اللـي يخـون بخويّـه

قلـت ابشري واللـي خلقـك لاتظنيـن =حرااااام ماغيرك عشقـت آدمـيـه

وقصّت شعرها قلت انـا وش تسويـن =قالـت ابـي مـن غرتي لـك هديـه

ونادتنـي الغربه علـى الهـم والبيـن =احسّـب الأيـااااام روحـه وجيّـه

وفي كـل ليله ترتسـم بيـن رمشيـن =خيالهابيـن الـرمـوش الشقـيـه

غربة سنه فـي ذمتـي غربـة سنيـن =متى علـى الله يلتقـي الحـي حيـه

خلاص هانت مابقـى غيـر يومـيـن =خـلااااااااص قفّت غربـةٍ جرهديـه

ورجعت شوقي في خفوقي براكيـن =ورجعـت انـا كلـي لها جاذبـيـه

وسألت ما ردّوا وانا اصيح هي وين =وكلٍ نثر مـن داخـل العيـن مَيّـه

وفـي معمعـة حزني تلقيـت رمحيـن =قالـوا توفـت غافلتـهـا المنـيـه

وفـي غرغرتها ماذكرت غيرحرفيـن =تشهـدت بسـمـك شـفـاه البنـيـه

وتزاحمـت فـي داخلي ألـف سكـيـن =والحزن يطويـنـي ثمانيـن طـيّـه

صدمه وجابتنـي علىالارض نصفـيـن =وشلـون راحـت دون ذنـب وخطيـه

تكفون دلـونـي علىالقبر هالحـيـن =مـاعـااااد فيـنـي للصبر مقـدريـه

ووقفـت اطالـع قبرها بيـن نصبـيـن =وجلست اضـم اغلـى النصايـب عليّـه

واصيح وش بك يا غلا مـا ترديـن =اشتقـت همس إشفاهك النرجسـيـه

وش فيك جيت من السفر مـا تهليـن =ماهي بلك عـاده ولا انتـي رديـه

وحاولت في لحظة جنون اجـرح الديـن =وازيـح تـربـة قبرهـا فـي يـديّـه

وبالغصب شالوني حشـا تقـل مسكيـن =واصـرخ بهم والله والله حـيّـه

اقفت وتاهـت بـي جميع العنـاويـن =والحـزن يلعب داخلـي سامـريـه

ورجعت لـدروب الشقـا قبـل عاميـن =مدري مـن اللـي صـار فينـا ضحيـه[/poem]





[align=center][size=6][U][overline][mark=FFFF66][color=#000000]ممّا قرأت [/color][/mark][/overline][/U][/size][/align]

[size=4][align=center]لاهنت على النقل

يانجم سهيل

وصح السان شاعرها

تقبل تحيتي وتقديري[/align][/size]

[B][size=5][color=#00008B]لاهنت أخوي فهيد الرويس

وشاكر مرورك لك فائق التحية[/color][/size][/B]

[color=#0000FF][size=5][align=center]مشرفنا القدير[/align][/size][/color]

[align=center][size=5][color=#000000][color=#FF0000]نجم سهيل[/color]

صح لسانك ولسان الشاعر

لاعدمناك

[color=#FF0033]دمت بود[/color][/color][/size][/align]

[color=#000000]نجم سهيل..سلمت يمناك على النقل الرائع..

وتحياتي لك..[/color]

[size=5][color=#4169E1]الأخ المتميّز دائماً الماشـي[/color][/size]


[size=5][color=#00008B]أشكرك على كلامك الراقي


ومرورك شرفني طال عمرك[/color][/size]

[size=5][color=#FF0000]
دمتَ في حفظ الله[/color][/size]

[size=5][color=#0000FF]

الزيادي[/color][/size].... [size=5][color=#0000FF]تسلم طال عمرك والأروع تشريفك بالمرور[/color][/size]

[size=5][color=#FF0000]دمت في حفظ الله[/color][/size]

[color=#000000][size=4]إخـــوي الغالي


[color=#FF0000]نجم سهيــل ..[/color]

نقــل مؤثـــر وجميـــل وذائقه أجبرتنا نعانق الحــزن :)


[color=#0000FF]صدمه وجابتني على الارض نصفيـن//وشلون راحت دون ذنـب وخطيـه[/color]

صــح لسان شاعرها ..ولو عرفناه كان أفضــل ..


وتقبــل خالص تحياتي ..[/size][/color]