انا ماني بتاجر ولاني برجـل اعمـال
 

[align=center][color=#006600]السلام عليكم ورحمة الله وبركاته

تعودت أن أقوم بنقل [color=#000000]مايعجبني من القصائد [/color]

وهذه القصيدة أحد القصائد [color=#FF0000]التي نالت إعجابي[/color]

وكلي أمل أن تنال شيء من إعجابكم وتلامس ذوقكم

وهي للشاعر/ [color=#FF0000]سعد بن مناحي بن شفلوت[/color]


[poem=font="Simplified Arabic,5,black,bold,normal" bkcolor="transparent" bkimage="" border="double,5,red" type=1 line=0 align=center use=ex num="0,black"]
يقولون وشفيك امتغيّر وحالـك حـال=وانا اقول مايبقى علـى حالـه الاّ الله
زمنّا ياكم غيّـر معالـم وهـد جبـال=وانا مثل من قد عاش والحالـه مقِلّـه
انا ماني بتاجر ولاني برجـل اعمـال=اعانـد زمانـي واتـحـدّاه واذلّــه
مع الناس والدنيا مسافه وانـا رحّـال=وشهريـن منعقـده ويوميـن منحلّـه
مقادير وضروف وهقاوي وقيل وقـال=ووضع ٍ يكدّر صافـي البـال ويعلّـه
تعيـش الاوادم بالمنـاوي وبالامـال=ولا احد ٍ بيدري ويش وقتـه مزينلّـه
ومن ربّته سود الليالي على الغربـال=وقامت بنـار الهـم تصـلاه وتملّـه
غدت خوّته للحظ الاقشر ونَس وهبـال=مابين الفرج والضيق يغويـه ويدلّـه
ولا اشين من الدنيا لامالت على الرجّال=لاجل تجبره لقصيّـر الجـدر ولضلّـه
وهو طول عمره يرتكي للزمن لامـال=ويبرك لحمل الوقـت لاثقـل ويشلّـه
يسد اللـزوم وللنشامـا ذرى وظـلال=ويحفظ الجميل ويجمَل ويدمـح الزلّـه
هاذي والله اللي تتلف الرجل حال ومال=وتقلـب حياتـه غـم وتغيّـره كلّـه[/poem]





تــحيــآتي [color=#000000]:[/color] [color=#FF0000]إبــن مشيــب[/color][/color][/align]