منتديات عتيبه - ثاني المشاركات للمنتدى الرائع

[align=center]ياعادل اسمعني وانا أخوك وأفهم
من شاعر-ن- ذاق المراره والاتعاس
إذا نسيت الله والله تندم
تصبح حياتك تضرب أخماس وأسداس
والوالدين أحرص لهم وأنت تعلم
وش منزلتهم عند خلاق الاجناس
وأبعد عن اللي خوته درب مظلم
إن ما لصقها فيك قال أنت بلاس
واحرص على الطيب ولابد تفهم
وتشوف في وقتك من الناس والناس
خلك على ميقاف طيب أنت تسلم
وأستقبل إضيوفك بطراد الاعماس
من دلة يطربلها الراس الاعظم
يشوقني لادق نجر-ن- ومحماااس
والطيب مايوخذ عرو عند الادقم
لاقاطع-ن- فرجه ولاقاضي-ن- بااااااس
لابد عينك ماتواجه من الهم
وتعاشر من الناس صادق وهلاس
الصادق اللي لاخسرته تبرطم
هذا ذهب صافي ولاهوب بنحاس
والثاني اللي كل ماقابلك .نم
عندك وعند الغير حداد الامواس
ترى البري في وقتنا اليوم متهم
اكرب حزامك تدري الوضع حساس
يقولها اللي عابد الله ومسلم
عاش فحياته حر كالطير قرناس
يضحك لوقته لو سقاه أحمرالسم
من شان ما يفرح شماميت وانجاس
طافتبي الدنيا على برطم أشرم
حتى برتني مثل ماتبرى الاقوااااس
صارعت في دنياي موج يتلاطم
حتى غدرني غدرة إكليب جساس
لكنها ميدان يا الذيب الاسحم
منها تخرج كل دارس ودراس
فهرس حياتي بين أصم وأبكم
المحبره من دم والصدر قرطاس
من كثر مادنياي ورتني الغم
حسيت جسمي عاش من دون الانفاس
إلى غربت ثم ابتدا ليل أدهم
جتني روابع من بعيدات الارماس
قلطتها مقلاط عم وابن عم
لين انبلاج النور من فوق الاطعاس
يا خالق حوى ويا خالق أدم
ويامنجين يونس من بحور الاغلاس
يالواحد اللي فوق عرشه معظم
يعطي ويمنع كل ماهب نسناس
الطف بعبدك واعتقه من جهنم
واغفر لشيبانه إلى دقت أجراس[/align]