منتديات عتيبه - مثل أبو هاشم تشد به الظهر؟؟؟

هذه القصيدة أهديها للأستاذ:سفير بن قليل الجعيد

بمناسبة تقاعده المبكر في 15 .2 .1429هـ

بناء على طلبه

وقد حالت ظروف سفري عن القائها بحفل تكريمه

أمل أن تصله عبر هذا المنتدى الراقي وهو بصحة وعافية

أمد الله في عمره

[poem=font="Simplified Arabic,6,black,bold,italic" bkcolor="transparent" bkimage="backgrounds/17.gif" border="ridge,6,orange" type=2 line=0 align=center use=ex num="0,black"]
القصيد ليا بديناه بسلام=يبعد الشيطان ويروق فكر

بعدها بقول لسفير كلام=ناظمه ببيوت سموها شعر

كل ماقوله تمام في تمام=ماش لا زله ولا فيها خطر

قمت بالواجب تعداك الملام=ما تلبست التعالي والكبر

تسرح لواجبك والعالم نيام=قبل ما تشرق ومرجاعك عصر

ما تعذر بالتواني والزحام=ولا تصنع دون ماجوبك عذر

والله إنك تستحق أفضل وسام=ما توانى في لزوم وتنتظر

قمت بالماجوب كله يا همام=مثلكم قليل ما بين البشر

شامخ(ن)مثل الجبل مهو رغام=مثل ابو هاشم تشد به الظهر

هو حزام اللي يدور له حزام=هو يمين زخها مثل المطر

نار مدري نور ينزاح الظلام=طلته بين العرب طلة بدر

ما تعشق للجدال وللخصام=ثاقب النظرة وله صائب نظر

ما تراقل به من الذلة عظام=يجابه الموقف ويعطيه النحر

ثلث قرن من الزمن يخدم علام=يستحق إنه يدون بالسير

بعدها بوصيه دام الفضل دام=جنة الفردوس تطلبك المهر

الفروض الخمس بالبيت الحرام=حظ من وفق لها تال العمر

سجدة(ن)لله من خلف المقام=وارفع الكفين للمولى شكر

كافي الأيام ما راحت عدام=هذي الدنيا يبو هاشم ممر

والنتائج كلها يوم الزحام=يوم تلقى كل شيء(ن)مدخر

الله يجملها على ستر وسلام=مكسب(ن)لا عشت في خير وستر

السلام أول وذالحين الختام=أذكروا الله يحظ المدكر

ثم صلوا عد من صلى وصام=فوق سيد الخلق حمّال الندر[/poem]