منتديات عتيبه - .........( رووووعة الــــــحـــــبــــــ )..........

[color=#00008B][size=3]اخواني / اعضاء منتدى قبيلة عتيبه اكتب اليكم هذه القصيده والتي اتمنى من المولى ان تنال استحسان ذائقتكم الشعريه[/size][/color]

[poem=font="Simplified Arabic,6,darkblue,normal,normal" bkcolor="transparent" bkimage="backgrounds/47.gif" border="double,4,black" type=2 line=0 align=center use=ex num="0,black"]
احبك حب ما حبه على وجه البسيطه انسان = ولا حبته ام لطفلها لو كانت تحبه
احبك كثر خلق الله كثر الانس كثر الجان = كثر ما تنبت الارض وعدد غيث السما تصبه
احبك واعشقك هايم وفيك المغرم الولهان = احبك لو كرهتيني وقلتي وش هذا النشبه
احبك يا اجمل احلامي عدد ما داخلي احزان = احبك حب لو يعرض على الامه تناشبه
احبك كثر ما ترفرف طيور الكون بالجنحان = احبك كثر ما يعرف شجاع القايله دربه
احبك كثر ما يحكى بها الدنيا بكل السان = كلامٍ يمدحونك فيه واكثر بعد من سبه
احبك قلتها صادق ولاني منها شفقان = احبك كثر ما داوى حكيم من البدو بطبه
احبك كثر ما يقضي الطفل مع لعبته لهيان = ينام ولعبته فحظنه ويصحى يدور اللعبه
احبك كثر ما يكتب من الذكرى على الجدران = وكثر ما يحمل المسلم على شارون في قلبه
انا بدونك مثل من عاش عمره نادم وحسران = خسر كل ما معه من مال ما يدري وش السبه
ربح يومين فا الاسهم وباع البيت والنيسان = وجمع له مال يا كثره يقول انه يضاربه
ونزل في سوق الاسهم يحسبنه دايمٍ كسبان = ولاكن ما درى عن نكبته يا كبرها نكبه
خسر ماله خسر بيته وبا الآخر غدى خسران = غدى خسران ما فجيبه ولو هو ريال يركبه
انا بدونك مثل من تاه فالصحرى وهو حفيان = ومن زود الردى فدربه عثر وانشقة القربه
قضى يومين ما نامت عيونه جايع وعطشان = يطارد فالسراب وقامت الدنيا تلاعبه
وفتال اليل ولينه على ذيب الخلا سرحان = ولاله حيل فالمسرى ويخاف الذيب يغدر به
ودعى ربه وفرج له وقام ايصيغ فالقيفان = ولاكن للاسف ما هو بلاقي شي يكتبه
وطلوع الصبح ولينه على بيرٍ لها ذكران = ولاكن للاسف ما هو بلاقي شي يشربه
وجلس مقهور عند البير بعد ما ظن علمه هان = وصلى ركعتين وقام يطلب بالدعى ربه
وسمع له صوت وسط البير ولينه على ثعبان = وهل الدمع من عينه وحس فداخله رهبه
وعذر فالشراب وقام يمشي مشية الخجلان = ولاله حيل فالممشى غدى يزحف على الركبه
وفعز الحر ولينه يشوف اله كما البنيان = يشوف اله كما البنيان وبوسطه كما القبه
تفاول خير لاكنه لقي قريه بلا سكان = وهل الدمع من عينه وقام ايخط فالتربه
وسال نفسه عن الي صار اله يمكن هو الغلطان = وقام ايحسب الماضي ولاكن طالة الحسبه
سال نفسه عن الذنب الذي سبب له الحرمان = ولا حصل عليه ذنوب كود ان الهوى ذنبه
وبعد كل العنى والصبر جاه الي على الحسبان = لفاه الي على باله وهو طايح على جنبه
لفاه الموت من رب العباد الوالي الرحمآن = بعد كل العنى والصبر جاه الموت واقتبه
وحتى ما لقي من يكرمه بالقبر يا الاخوان = طريحٍ فالخلا الخالي وحوش الارض تنهبه
وودع هذي الدنيا كانه لم يكن او كان = سوى الامثال بين الناس تحكى به وتضرب به[/poem]
[color=#8B0000][size=3]
اخوكم / سامي بن عوض العتيبي[/size][/color]