منتديات عتيبه - حابه انقلكم قصيده اعجبتني قصيدة الله من قلبٍ

بسم الله الرحمن الرحيم

حابه انقلكم قصيده عا جبتني اتمنى تعجبكم

قصيدة الله من قلبٍ

الله من قلب يزيد ارتهاجه *** يلعب به الهاجوس مع كل فجي

كنه على موج البحر فوق ساجه *** بعواصفٍ منها البحر مستلجي

الدمع من عيني يزيد انزعاجه *** يشدى هماليل السحاب المحجي

على عشيرٍ صار للقلب حاجه *** متولعٍ به عنه عيا يسجي

طفل لوا قلبي على الحب عاجه *** وقلب الشقا طول عليه الترجي

ان قذني بالعين واسفر حجاجه *** سهوم طرفه للضماير تخجي

قلبي مريض وشوف خلي علاجه *** ومشاهد الغالي فريضه وحجي

قلت المواجه قال مامن مواجه *** الليل قمرا والضواري تلجي

ياصاحبي رحماك بالوصل فاجه *** حيٍ حياته عند غيرك تلجي

ان جيت لك قلبي يزيد ابتهاجه *** ولك كل بيبان الضماير تهجي

يانور ليلي وانت مشعل سراجه *** ياجنتي ماغيرك احدٍ يهجي

الحب مابه ياعشيري لجاجه *** وحبٍ ماهو حبي ظلامٍ مدجي

الرجل تمشي لين تاصل مداجه *** بارضٍ سقاها كل مزنٍ مرجي

من رايح برقه يزيد التعاجه *** وبله حقوق ولاتقفاه عجي

وســـــــــــــلا مــــــــــتــــــــــكـــــــــم

للشاعر الاامير: محمد بن احمد السديري
(رحمه الله)

اتمنى تعجبكم....

مع تحياتي: العنود العاطفي القحطاني