منتديات عتيبه - لاعاد ابوظبي ولاعاد مليونه

[poem=font="Simplified Arabic,5,black,bold,italic" bkcolor="transparent" bkimage="backgrounds/47.gif" border="none,4,gray" type=0 line=0 align=center use=ex num="0,black"]
عموم المتواجدين صباح مسـاء الخيرعلـى الجميـع =
قصيده رد على لجنة شاعر المليون على ماحصل منهم =
من تلاعب بالدرجات وخروج الشاعر : بندر بن محيا =

ياناس بعض المظاهر حسنة الحله = لكنها فالخفا سيه وملعونه
مادام مع درب خالد راح عبدالله = وابن محيا عبوره صار به خونه
نقولها بصوت عالي مابها ذله = لاعاد ابوظبي ولاعاد مليونه
برنامج النصب والتزويف به كله = والشعر بيدين لجنتهم يهينونه
تستنزف جيوب خلق الله هاك الشله = هدفهم الربح والاشعار مركونه
اللجنه نفوسهم بالحقد معتله = نقص(ن) على الشعر تقييمه ومضمونه
الكل منهم يشيل من الحسد غله = غشه بعشه لكن يموت بغبونه
الناس شافو حقيقتهم بآلآدله = تبين الخافي اللي هم يخفّونه
مشّو لهم ناس والاوزان مختله = مايفتلون القصيد ولايحلّونه
فالحصن تجمّعو مقفي ومقبلّه = في شاطي الراحه اللي هم يسمونه
واليا جلس واحد(ن) صفق وطبلّه = خلك مع الناس سو اللي يسوّونه
عزاي للشعر من عله جته عله = والناس تسمع ولااحدٍ حرّك سكونه
اقفى زمان الادب بأقلام منحله = من اللي سمعنا وشفنا في تلفزونه
الشعر جته امةٍ سوّت له شكلّه = يقولون يبنون لكنهم يهدمونه
ضاموه ناسٍ بلا مذهب ولامله = الصاحي اقفى وهذا وقت مجنونه
من شفت فوقه بعض لاشكال منهله = النفس طابت منه للي يشيلونه
عفته بعد شفت ناس اقزام تحتله = شفت العجب من سبب هرجٍ يقولونه
سوالفٍ هزلةٍ تجلب لك العله = يبون درب الشعر لكن يخطونه
اليوم كل واحد(ن) يمشي على دلِّه = وكلٍ يناظر سماح الدرب بعيونه
ماهمنا شاعر المليون لابالله = شعّارنا لاحتمى الميقاف يحمونه
العام قد جالنا موقف يماثلّه = واليو هذا علينا هم يعيدونه
وعزوة عتيبة تملّك فالشعر جلّه = فتله ونقضه وتقييمه يجيدونه
دوم العتيبي سنام الشعر محتله = وزنه ثقيل بمجال الشعر وفنونه
كفو كفو عزوتي تكرم عن الزله = ربعي خوال النبي والخصم يعمونه
عتيبه عمى عين من نفسه تسوّله = قول وفعل يدركون اللي يريدونه
وافين لاهل الوفا وفاهم جبلّه = والميل عاداتهم ماهم بيرضونه
وصلاة ربي على محمد رسول الله = اعداد من للحرم حجو يلبّونه
الشاعر : سلطان الذيابي=[/poem]