مرثية الشيخ طلق بن مارق بن وسيود في وفاة شقيقه مقبول رحمه الله واسكنه فسيح جناته
 

كان مقبول بن مارق بن طلق بن وسيود العضياني من خيرة ابناء القبيله وكانت وفاته خساره فادحه لقبيلته
يقول طلق
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من قلبٍ تسوقه طواريه = وامسى عليه الهم صادر ووراد
واصل عناه وصالي الهم كاويه = يكويه كياتٍ قويات وجياد
والله من عين ٍ تهل بعباريه = تهل بدموع جماعات وافراد
كدر علي شوف الشبح عقب راعيه = شوفه عقب راعيه ياشوف الازهاد
من عقب ابو تركي عسى القوم تدنيه = يجلب علي شوفه حزوني وتزتاد
وين الذي قبل امس بالبشت يزهيه = شخصيته تبرز على كل الاولاد
ركبه ومرجاع للاحباب ناويه = وعاد الشبح لكن راعيه ما عاد
والكل في وعد الخميس متحريه = واثر له مع قصاف الاعمارميعاد
عز الله اني عارف انه ملاقيه = من قطعة الارسال والقلب ما هاد
مرحوم ياللي كل ما حل طاريه = كل ينعم له على روس الاشهاد
ومرحوم ياشيخ عرابٍ مجانيه = حرٌمجرب من عريبين الاجداد
حر ٌيباهي به على الوكر راعيه = وليا قنص راعيه يبغى العشا صاد
ماهوب مسكين ضعاف هقاويه = نزيه جزلات هقاويه وبعاد
ليته يجاوبني ليا قمت اناديه = لكن ماش مجاوبٍ عقب مرقاد
وليته مريض وارجي الله يشفيه = وانخى الدكاتر وادفع المال لو زا د
والا سجين حي وبمالي افديه = وانصى الرجال العاليه وانخى الاجواد
لكن وقف يومه وصفت لياليه = وش عاد لو ناديت بالصوت وش عاد
ان جيت ابى ادله عنه واصبحت ناسيه = ذكر عليَه فرخه الحريابجاد
يابجاد كلٍ قادم يم واليه = لكن ابو تركي سبقنا على الماد
يالله ياللي كل مخلوق يرجيه = ياللي بسط سبعٍ وسبعٍ لها شاد
تعوضه الفردوس وتعوضنا فيه = بالصبر والسلوان يالوالي الهاد [/poem]

الله يرحم مقبول


وشكراً اخوي بن ثعلي


على هذا الاختيار


تحياتي لك ،،،،


اخوك النـايـــــــــــف

لاهنت يابن ثعلي على النقل


تحياتي لك