منتديات عتيبه - ][`~*¤!||!¤*~`][ عليه ظابط نجمتين وجندي أول وعرفا ][`~*¤!||!¤*~`][

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
خذيت من بقعا ومن صكـات بقعـا مـا كفـا=وخذيت من لوعات دنيـاي الكفايـه وأكتفيـت
قدلي سنين أبغا الزمن يصفي وعيا مـا صفـا=وأصبر على جور الزمن ولغير ربي ما شكيـت
ربٍ يـعـرف البيـنـه ولايـغـره ماخـفـا=ويعلم بما تضمر ويعلم يـا أبـن آدم مانويـت
فالبارحه يـوم أن كـلاً بالكـرى طرفـه غفـا=ماذقت حلو النوم مثل المسلميـن ولا أهتنيـت
ماهوب مسهرني مـرض وآروح آدور للشفـا=مسهرني اللي كل ما يطري على بالـي بكيـت
مسهرني همومـاً تمشينـي معـا درب الحفـا=وأمشي معه مجبور ولاونها بكيفـي مامشيـت
وهبـت علـي المربعانيـه ولا حولـي دفــا=هبت علي بهموم منسـى صاعقتهـا ماحييـت
ثم لبستني بشتٍ مفصـل علـى جسمـي ظفـا=وأنا مانيـب آبيـه لاكـن أبتلتنـي وأبتليـت
عليه ظابـط نجمتيـن وجنـدي أول وأعرفـا=وفي موكبه دوريتين بطقمهاوالله يخارج يابشيت
والحـظ لامنـي بغيتـه ليـه معطينـي قفـا=أدخل على الله من رداة الحظ والوضع المميـت
ومن شين حظي هقوتي دايم توقع فـي صفـا=لوفالبحر لحمر توقـع فـي صفـاتٍ لارميـت
ياحظ عان النور بحظـوظ الخلايـق مـا طفـا=وأشوف نورك مانواه يشع من يومـك طفيـت
فعاملـت نـاسٍ بالوفـا ماعاملونـي بالوفـا=ياطيب قلبـي ليتنـي مـن مبتداهـا ماوفيـت
ناسٍ مع (البابـا علي)ظنـي شراكـا وأحلفـا=وأنا علي اللوم لنـي بعـت معهـا وأشتريـت
وأبطيت وأنـا بنتظـار الطرقـي اللـي مالفـا=وطالت علي السالفـه مابيـن لاونـي وليـت
طرقي على خط السفر بيـن الحويـه والشفـا=بغيت آقول أسمه وأعلمبـه ولاكـن أستحيـت
يا أهل المعرفه مـر ماينصـف ومـراً ينصفـا=وألقاه مع نـاسٍ وأنـا أدور عليـه ولا لقيـت
ونفسي عزيزه لاطرالي شـي قالـت لـي أفـا=خل السفايـل لهلهـا يـا لكلبـي دام أعتليـت
وشفت الحدث بالعين والمصدر على الشاشه نفا=ويقول للي شاهـده أسكـت وكنـك مادريـت
والفيلسـوف اللـي تحـزٌم بالحـزام الناسفـا=لو المباحث تمسكـه قـال الحقيقـه كمبليـت
أذنبـت يالله مـنـك غفـرانـك ويالله تعـفـا=عن ما مضى مما أرتكبت من الذنوب وماجنيت
هذا وصلى الله علـى طـه النبـي المصطفـى=وأعداد من صلى وصام أمن العباد وحـج بيـت[/poem]