هذه قصيده من روائع ما كتبه الشاعر محمد السديرى
 

[align=center]هذه قصيده من روائع ما كتبه الشاعر محمد السديرى[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,deeppink" type=2 line=0 align=center use=ex num="0,black"]
شىءٍ بقلبى ياملا حايرٍ فيه = شىءٍ تحير به العقول الفهامي
مخفيه بفوادى و لا ودى ابديه = وادور الخيرات شرقٍ وشامي
احترت به ما شفت شىءٍ يحاليه =واليوم أنشد عنه مانى بكامي
سيلٍ حدر مع وادىٍ غير واديه = مدرى حلالٍ ماه والا حرامي
كانه حلالٍ جايزٍ شرب صافيه = وش حلله يامفسرين الحلامي
هاتوا تفاصيله وهاتوا معانيه = نبى الدليل اللى عليه الكلامي
نبي دليلٍ يفهم الدرب ماشيه = يمشي به التايه بليل الظلامي
يمشي به التايه ويقدى مواطيه = ويشرب قراح الما ليا صار ضامي
لاشك هجسي يوم خلا مماشيه = انه حرام ومنه زود الاثامي
احرم من الزقوم مره وحاليه = وشربه على الضامى يزيد الهيامي
الله من قلب همومه تقزيه = تدك به مثل الجراد التهامي
من ما جرى قامت تتله مشاحيه = تل الرشا من فوق هدف المقامي
روابعٍ قامت تصيبه وتخطيه = شاف الهوايل واختلاف الاسامي
ما يسمع الداعى ليا قام يدعيه = يعوم فى بحرٍ من الهم طامي
ما ينتبه للى بصوته يناديه = يزيد همه يوم كلٍ ينامي
يشوف وقتٍ ماعرفناتواليه = وقتٍ يشّيب منه ابن الفطامي
هذا زمانٍ كاثراتٍ بلاويه= الغيم يقلب فيه عج وكتامي
يا بعد شرب الما على كبد راجيه = ما سيل الغبرا زعوج الجهامي
انبيك يا من كلمة الحق ترضيه = اعطيك ما ينفعك وافهم كلامي
قصرٍ يذلك لا تقابل مبانيه = خله عسى شامخ طويله هدامي
خله عسى ما صاب اغادير يفنيه = يودع منازلـه الطويله رجامي
لوزان مدخاله وطالت حواميه = شيّد على الخيبه قليل الرحامي
وحىٍ يوريك المذ لـه وتغليه = أنا أشهدأنك ميت القلب عامي
من لا يودك لا توده وترجيه = ارفع مقامك ياعزيز المقامي
ارفع مقامك عن عدوك وتوذيه = ويلحقك من تركت رفيقك ملامي
حق الرفيق وواجبه لاتخليه = يلزمك مثل الوالدين الحشامي
اخترعزيز الجار والحق يعطيه =شبلٍ على هرجٍ يقوله يحامي
مادك به عرج المذ لـه وطاريه = يسبق على فعل الفضيله شمامي
ومن قارب الاجرب بالامراض يعديه =عدواه تسطي باللحم والعظامي
درب السلامه بيناتٍ مماشيه = ودرب العطب يّرث عليك اللكامي
ابعد وقلبك نازح البعد يشفيه = وتلقى عن الدار البغيضه مقامي
دارٍ بدار وداعى الذل عاصيه = ولا تقبل الذ لـه نفوس الكرامي
الذل موت حايماتٍ ضواميه = ادخل على منزل فروض الصيامي
عن مقعد بالذل عينك تراعيه = الموت عند الذل امان وسلامي
يرضى المذ لـه من تردت هقاويه = والذل يجفل منه قلب العصامي
والعبد لــه ربٍ عن الناس يغنيه = ولو لاه ماصاب الهدف كل رامي[/poem]

ابو وليد

قصيدة جميلة ونقل رائع

تحياتي

ابو وليد احسنت على اختيارك هذه الروعة0
قصيـــــــــــــــــــــــــــــــــــــــــــــــــــــده جميلة

لاهنت ومشكور يابو وليد على اتحافنا بهذه القصيده الرائعه للمرحوم الامير محمد السديري
تحياتي لك

مشكور يابو وليد على اتحافنا بهذه القصيده الجزله للشاعرالكبير الامير محمد السديري رحمه الله

تحياتي

صح لسان السديري

[B][size=3][font=Arial][quote]
سيلٍ حدر مع وادىٍ غيـر واديـه
مـدرى حـلالٍ مـاه والا حرامــــــي
كانه حلال و جايـزٍ شـرب صافيـه
وش حلله يامفسريـن الحـلامـي[/quote]

إختيار موفق اخوي (ابو وليد).
هذه القصيده من اجمل قصائد محمد السديري - رحمه الله عليه - ومن اجمل ما قرأت.
شكرا على النقل المميز.
[/font][/size][/B]

[color=#FF0000][mark=000000][font=Comic Sans MS][size=6][align=center]بيض الله وجهك على النقل الجزل[/align][/size][/font][/mark][/color]