منتديات عتيبه - قالو الشنب

قالو شنب قلت الشنب راح دوره

هذا زمان فيه الاشناب تنداس

ابن الردي يسكن بعالي قصوره

وابن الحمايل صار يمشي مع الساس

والذيب الاسحم ملبد في جحوره

وبا الاحصيني صاير اليوم فراس

خطو الولد كل يشاور بشوره

حكيم راي وللمهمات مدباس

وخطو الولد ياتي طوال شبوره

عزيز قوم ويحتمي كل عرناس

والذيب مخدم والحصاني تزوره

من عقب ماهو شاجع صار نساس

ومات الحرام الي بعالي وكوره

وطير الرخم جد شاخ من عقب مرواس

والحر يفرق عن طيور النسوره

ماهو من الي تاكل الحرم وافطاس