الفكس ار
 

[size=6][color=#FF0000]قصيدة وهي من نوع التمني وهي اول مشاركه لي في هذا المنتدى الشامخ اقول فيها........[/color][/size]

[poem=font="Simplified Arabic,7,white,bold,normal" bkcolor="red" bkimage="" border="solid,9,blue" type=2 line=0 align=center use=ex num="0,black"]
ياليت رصيدي واحد وسته اصفـار=علىاليميـن ولايكونـن شمـالـي
يكفينـي المليـون ماريـد مليـار=لاصاررزقا مـن مصـادر حلالـي
مابيـه باليـن اليابـانـي ودولار=ابيه فـي عملـت بـلادي ريالـي
ابي اشتريلي جيب من نوع فكس ار=ادفع القيمه كاش لو كـان غالـي
مديل الفين وسبع بالوصف ماصار=حطو بـه اليابـان شيـن خيالـي
مضمون بالتصنيع مسمار مسمـار=مشيك عليـه مهندسـه بالكمالـي
يصلح مع الصحرا ويصلح مع القار=ويضا مصمـم للوعـر والرمالـي
جديد ماعمره ضرب كـل مشـوار=مركوب لصحاب السمو والمعالـي
والله لـو صناعتـه ماهـم كفـار=لدعو لهـم بوقـات كـل ابتهالـي
ابيـه لامنـي تنصيـت الاقـفـار=امشي مع البـران مرتـاح بالـي
معي ثلاثـه كلهـم نقـو وخيـار=الكل منهـم مـن خيـار الرجالـي
واحد من اهل الدين وثنين شعـار=ربعـن عليهـم بالـزوم اتكالـي
اللي سوافهـم لياصـرت محتـار=تودع ضميرك دايم الـدوم سالـي
ماسولفو عن المسلسـل والاخبـار=ولاشجعـو لنصـر ولا الهـلالـي
مافيـه متكبـر ولافيـه ثـرثـار=ولافيهم اللـي هرجتـه بالجدالـي
لاصار في روضن ومشبوبه النـار=على غديرن مـاه صافـي زلالـي
في خايعن متخالفن فيـه الازهـار=بس ام سالم صوتهـا بـه يلالـي
نبعد عن الديره وعن بث الاقمـار=عن عالمن تشوف فيهـا الهوالـي
هذا ربيع القلـب لاصـار ماصـار=ولا العمـر لابدلـه مـن زوالـي
[/poem]
[size=6][color=#0000FF]الشاعر عبد الله الجرهدي[/color][/size]