منتديات عتيبه - النا وطن ومع الوطن ضد الارهاب

[color=#008000][size=5]قصيده وطنيه للشاعر ناصر بن سلطان بن محماس الشغار

نشرت في جريدة الرياض في شهر محرم عام 1426[/size][/color]

[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
النا وطن ومع الوطن ضد الارهاب= نرفع يدٍٍٍ وحده مع الامن يدنا
ونعلن تضامنا على كل محراب= تضامن يضمن سلامة بلدنا
والي يشذ الراسه السيف شذاب= كانه من اقصاالناس ولا ولدنا
النا وطن يحكم به الشرع بكتاب=والدين واحد غير ذا ماوجدنا
بسنة نبيه والخليفه والاصحاب=ولاغير رب الكون رب عبدنا
يامكفرين شيوخنا الشوخ الاطياب=يامدخلين الكفر في معتقدنا
النا وطن ياقاتل الكهل والشاب= هو فيه شرعن غير هالشرع فدنا
ترعى هدف من كشر النا عن الناب= الي على هذا النعيم يحسدنا
النا وطن به حاكم عادل مهاب= من هيبته على امة الضاد سدنا
رايه صويب لمن تنصاه ينصاب= لاضاقت الارياء فهدنا فهدنا
بحر الندى عوق العدى سعد الاقراب=كم خاب من جهز جيوشه صددنا
ويسلم عضيده للثناء دوم كساب= زيزوم للازمات والي عهدنا
عوق الخصيم اليا تدانن الاسباب= من لابة منها سبايب سعدنا
ليث الوغى بيت الوفاء ستر وحجاب= ياقل مالخفرات مثله يلدنا
ريف لهشال الخلا فاتحن باب= ماقال صك الباب عن من وفدنا
وان شب للنيران والحرب شباب=النايب الثاني سندنا سندنا
زرع على الجبهه صواريخ واسراب=وكثر العدى من قلها مانشدنا
والشكر ماله عن هل الامن مجناب= لولا وزيره من هل الفسق بدنا
عملهم حسبان وحساب وحساب=واستأصل عروق المرض من جسدنا
وان فر هاجوسي على كل دولاب= اقالبه لينن سلمان يدنا
اقالبه وان مر للهجس هنداب= نبا نسج الهجس ياهجس زدنا
ياهجس سوق المدح من ذيب لذياب=وان ماشمل سلمان مدحك رقدنا
سوق المدايح في حجا كل مرقاب= وان ماسمعك طويق قل سمع عدنا
سلمان فيه تمثل اوصوف والقاب= يانجد قاصينا شهد قبل الادنا
يانجد ماعاصرت مثله من اشناب= يانجد جبت لنا مثيله افدنا
شامخ شموخ طويق للجود صباب= سلمان لوقال البحر قل وردنا
والنا وطن في حبه الدم منساب= لولاه ماصار القصيد وقصدنا
والنا وطن واياوطن واقدس تراب=نفدى ثراه ليامتى لو نفدنا[/poem]