منتديات عتيبه - 2×1 العواصف+تحدي العواصف؟؟

[color=#FF6347]2×1 العواصف+تحدي العواصف[/color]

[color=#0000FF]قصيدتان بمشاركة واحدة

الأولى: قصيدة وردتني من الشاعر المعروف:عيضة الثبيتي[/color]

وضع لها عنوان

[color=#FF6347]العواصـــــف[/color]

والثانية : ردي عليه ووضعت عنوانها

[color=#0000FF]تحدي العواصـــــف[/color]

اليكم القصيدتان أرجو تنال شيئا من الإستحسان

الأولى

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="ridge,8,sandybrown" type=2 line=0 align=center use=ex num="0,black"]
مشتاق لك مشتاق لك والشوق لا زاد اشتعل=بين الضلوع يشب نـاره والطعـون يحدّهـا
والقلب يسكنه الرجاء والياس ما يلقى محـل=ننسى الليـال الماضيـه والمقبـلات نعدّهـا
وعز الله أنّي مانسيتك لو نسى النحل العسـل=ناس ٍ تخون عهودها (يا لله لا ترحم جدّها)!!
اذكرك وأفداك بقصيدي قول :(يفداك الخبـل)=مدّيت لك يمنى المحبه وأنـت قلّـي شدّهـا
كل القصايد من ضميـري لذكرتـك تستهـل=سحابة ٍ وأنـت الهبـوب تجيبهـا وتردّهـا
احيان تمطر من رضاء واحيان تمطرمن زعل=أهمّ شـي اليـا ذكرتـك ممطـره لا بدّهـا
يا منيتي يا غايتي يا صورة ً طبـق الأصـل=للنجمه اللّي فالسماء خـدّك يشابـه خدّهـا
الحب يظهره الوفاء لو كان يمنعـه الخجـل=والكلمه اللّي قلتهـا وشلـون عـاد ارتدّهـا
أنا بدونك في حياتي لو أعيش.. بغيـر أمـل=جعل الحياه اللّي بدونـك مـا يثنّـي ودّهـا
عمر العواصف ما تهدّ أصغر جبل وأكبر جبل=مير أنت حبك لو دخل كـل الجبـال يهدّهـا[/poem]

الثانية

الرد

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,8,sandybrown" type=2 line=0 align=center use=ex num="0,black"]
لقيت لي بالمنتدى قصيدة(ن)مضرب مثـل=لو قسمت على قلوب أهل القصيد تسدهـا
قصيدة(ن)جزلة ومعناها من الشاعر جـزل=فيها النقا فيها الصفا باللي عشقهـا ردهـا
ماهي بعارية من أفكـاره محكمهـا بعقـل=شفوق في معناه شفق أم الوليـد لولدهـا
يعلن تحدي للعواصف قال:أنا مانـي سهـل=مثل الجبال الراسية ما ينعرف وش سدهـا
يا صاحبي خل التحدي وأذكر الله وإبتهـل=ترى العواصف ما تودك لو بغيـت تودهـا
اليا إستهلت وأبرقت عقب عواصفها وبـل=في حينها يا قدرة الله لا تمـوت بصردهـا
إن كان هزك من تجمل بالمكاحل وإكتحـل=هذي بدايتها وقل لـي وش تمنـى بعدهـا
اللي يبا حلو العسل يصبر للسعـات النحـل=ولا كل عين(ن)تجذب الأنظـار للـي لدهـا
من هو تعود للذهب ما يجذبه لمـع الهلـل=ياكود مـن حظـه ردي والا قليل(ن)كدهـا
ليا بركت أبرك جمل وليا سرقت أسرق جمل=قالوه بالأمثـال والعـراف تعـرف قدهـا
يلي تردد بالمثايـل إسمـع أقـوال الكهـل=من كان في نعمة وجحدها بيلقـى ضدهـا
هذا جوابي تسمعه أخـذه والا خـل خـل=هذي قصيده في قصيدة هاتها ثـم ودهـا
ترى المعاني خيرها ما قل يا عيضـه ودل=جتني قصيدة وحده وبنتظـر وش بعدهـا [/poem]