هذا بلا ابوك يا عقاب
 

السلام عليكم
مساء الورد للجميع
حبّيت اني اشارك بهالقصه
الكل منا في مجتمعنا الخليجي بالذات يسمع كلمة
(هذا بلا ابوك يا عقاب)
لكن الكثير يجهل المعنى يقولها كذا (يعني على عماها)
المهم ما اطول عليكم :
هذا سلمكم الله اسمه نمر ابن عدوان واكيد الاغلبيه يعرفونه وبالذات اللي يقرأون عن التاريخ والسوالف المبطيه. نمر كان متزوج من بنت اسمها وضحا وكان يحبها حيييييييل وهي تبادله نفس الشيء.
وكانت عنده مثل امه ومثل خواته واكثر ..كانت تقعد الفجر وتزيّن له القهوه والريوق السنع وتغسل فرسه (جواده) يعني قليل انك تلقا وحده بمثل هذي المواصفات الايام هذي (كل وحده عند راسها خدامه).

المهم في يوم من الايام كان نمر توه جاي من غزوه او من مكان بعيد وجاي اخر الليل تقريبا ونام عند وضحا وقال لها الفرس ما ربطتها قالت له خلها بكره انشالله الحين انت اهم شيء ترتاح وتنام.

المهم في نص الليل لمن حسّت وضحا ان نمر نام راحت للفرس علشان تربطها ,, نمر سمع صوت الفرس وسمع عندها صوت وظن بأنه لص ( لأن فرس نمر كانت غاليه عنده حيل وقال فيها اكثر من 20 قصيده) المهم اخذ الشوزن وطلع برا وشاف عند الفرس جهامه ( يعني خيال انسان) وصوّب على الجهامه ولمن راح للفرس لقا وضحا ميته.

شالها بين احضانه وندم نددددددددددم وتمنا انه لم يرى هذا اليوم الاسوووووووووووود , بعدها قال قصيدته المشهوره التي تغنّا بها الفنان راشد الماجد واللي تتكوّن من 80 بيت شعر ويقول فيها :

البارحه يوم الخلايق نياما **** بيّحت من كثر البكا كل مكنون
ويروح فيها الى ان يصل احد البيوت اللي يقول فيه :
والله لولا هالبزور اليتاما****لا اخاف عليهم من السكه يضيعون
لقول كل البيض عقبه حراما****

وكان عنده عيال منها وتزوج بعدها وكان يقصد من هالبيت ان يضم عياله لأمرأه تصونهم وترعاهم ولولا ان عنده عيال منها والا كان حرّم النساء عليه الى يوم القيامه من بعد وضحا.

قصيده مؤثره حيل وحززززينه

المهم نمر عنده ولد اسمه عقاب وكان صغير عقاب وفي يوم من الايام راح عقاب لوالده نمر وقاله يبه : انا الحين لمن انام في حضن امي هذي (يقصد زوجة ابوه) ما يجيني هوى واذكر اني لمن كنت انام في حضن امي اللي ماتت ,, كان يجيني هوى من تحت. قال ابوه : هذا بلا ابوك يا عقاب

لأن وضحا كانت تتصف بالجمال ويعني كانت لمن تنام على جنبها كان فيه فتحه كبيره بين الارض وبين خصرها وكان الهوى يدخل من تحته.

وسلامتكم واسفه على الاطاله
م ن ق و ل

هلااااااااااا وغلااااااا بيك يالعاذريه
وقصه جميييييييييله بس في البدايه استغربت من وين يجي الهوى !!!:eek::eek:
بعدين عرفت:rolleyes:

العاذرية


شكراًلك ولكن يبدو ان القصة فيها شيئ من نسج الخيال لأن فيه كتاب عن نمر بن عدوان موثق يذكر ان وفاة وضحا وفاه طبيعيه

تحياتي

نقل حيث ينبغي شكرا للعاذرية مع الإعتذار

[size=6][color=#FF0000]معليش


ينقل إلى قسم الحوار العام [/color][/size]

شكرا يالعذريه ويقولون ان الطفل كان يلعب بحدجة الشري وهي ثمره تشبه الكره الصغيره وكان متعود يمررها من تحت امه وتمر لأنها صدر وردف فقط وعندما اراد تمريرها من تحت عمته الجديده اصطدمت ببطنها وآلمتها ونهرت الولد طالبة منه عم تكرار ذلك واشتكى لأبوه بأن الكره لم تمر من تحت عمته وزعلت عليه وقال المثل المشهور هذا بلا ابوك يا عقاب
تحياتي

شكرا يالعاذريه لكن القصه اللي نقلتيها كان فيها اخطاء وقد صححها الاخ ابن ثعلي


والقصه معروفه ومشهوره بين ابناء الباديه

الحين هي كانت منسدحة على ظهرها :D

ولا على جنبها

وكانت عنده مثل امه ومثل خواته واكثر ..مشكلة زوجه مثل الام والاخوات واكثر..هذه يبالها تبهير..وماافة الاخبار الا رواتها.....