|
معقول هذا ياسعوديات .. ثلاثة أرباعكم دببه !!
[size=4][color=#8B0000]
أستهدوا بالله ولاتعصبوا هذا مو كلامي هذي الدراسة هي إللي تقول كذا 70% من السعوديات بدينات «70 في المئة من السعوديات بدينات».. هذا ما كشف عنه مدير مركز السكر في كلية الطب بجامعة الملك سعود الدكتور خالد الربيعان الذي قال لـ«عكاظ» ان هذه النسبة تعتبر من أعلى المعدلات في العالم، وأشار الى ان نسبة البدانة عند الرجال في المملكة بلغت 63% ولفت الى ان من أهم أسباب السمنة والأمراض المزمنة هو تجاوز معدل استهلاك السعرات الحرارية للفرد يومياً 3500 سعرة حرارية وأكد ان هذا المعدل عالٍ جداً مشيراً الى انه يجب الا يزيد عن 2000 سعرة حرارية يومياً. وتحدث عن العادات الغذائية الخاطئة خصوصاً في كمية وأسلوب تناول الطعام وطريقة تحضيره وضرب مثلاً على ذلك بالقول انه منذ ان يرضع الطفل الحليب يعطى كمية أكبر من المطلوب مشيراً إلى أنه من هنا تكون بداية زيادة الوزن. وشدد على ضرورة توعية المجتمع حول اضرار البدانة وما تسببه من الامراض المزمنة. وأنا عن نفسي (يقوله صاحب المقال) أصدق الخبر وقليل 70% والا هي فوق الـ 90 % والدليل دعايات التخسيس إللي رجونا بيها في الصحف والشوارع والفضائيات وآخر الخزعبلات لقيت طالب لابس أسورة فضية فقلتله إيش هذي قال أسورة تنحيف يقولوا ياأستاذ تخليك رشيق هل زيادة الوزن ياسعوديات بسبب الراحة النفسية هل هي ضريبة الرفاهية والا إيش الهرجة [color=#000000]خلونا نسمع نقرأ ارائكم وبخاصه اخواتنا المدانات والبدينات خاصه[/color] منقول[/color][/size] |
[color=#660099][size=5]هههههههههههههههه والله المصيبة إن الدراسة صحيحة ويمكن تكون النسبة أعلى والأسباب كثيرة
ويبي لها جلسة روقااااااااااااااان مع قهوة وصينية حلى ههههههههههه أنت بس إدخل قسم الطبخ وشوف أنواع الأكلات الموجودة من موالح وحلويات تقريباً جميعها قنابل موقوتة ومشكلتنا من الفراغ صاروا الحريم بالذات ما يعرفن يجلسن إلا لازم أكل إذا جيت تطلع مكان تتنزه فيه تلاقي أول شي يفكرون فيه أيش ناكل هناك إذا رحنا وصواني الأكل والحلى تسبقك للسيارة وكذلك روحات الملاهي وجمعات الضحى وجمعات العصرية وجمعات بين العصر والمغرب مرت لمة خيالة وعرفت فرس وليفي لأنها دبة وسمنانة هههههههههههههههههههههههه والوجبات السريعة الفاستينج فود وامشروبات ذات الطاقة العالية لإحتوائها على كميات كبيرة من السكريات وكله كوم وجلسات المدرسات في غرفة المدرسات شي ثاني شعبنا صار همه الأكل والنوم وعشش فيهم الكسل أولادنا الآن إذا قلت للواحد قم ود هذا للمطبخ ولا هات من المكان الفلاني قال لك ليش هو أنا خدامة؟؟؟!!! الرفاهية عند البعض التي سببت الخمول والكسل الذي يساعد على زيادة الوزن وإرتخاء العضلات ممايؤدي إلى زيادة الوزن حتى لو كان الأكل قليل [/size][/color] [color=#3333CC] [size=5]البارق سيكون لي عودة أكيد لأن الموضوع يطول وذو شحووووووووووووووم أأأأأقصد شجووووووووون خخخخخخخخخخخخخخخخخخ[/size][/color] |
لاهنت يالبارق على هذه المعلومه وهذا من زود النعمه اللي طاحن فيها اخواتنا
تحياتي |
[size=4][color=#CC0000]هههههههههه
من اللى يضحك على الثانى تقولين هالكلام وانت تطبقينه لكن كثرة الاكل والاطعمه ماهى مهمه بقدر كميه مايؤكل فى اليوم الواحد اذا ماكان فى الساعه الواحده وكلامك صحيح يوم قلتى ان الواحد اذا جاء يطلع او يتنزه او اواو اول مايفكر فيه الاكل وش ناكل ووش نطبخ ووين المطاعم فى هالديره ولكن جلسات المدرسات فى غرفة الاجتماعات هذى ماندرى عنها ومانستغنى حتى نضيفها للدراسه اللى صارت لكن اختى دلع مااراه اليوم وفى الفتره الاخيره يبشر بالخير من ان النااس بدات تتفهم انها تمشى خطا وانهم بداو مزاوله الرياضات والحركه المستمره لكن مازالو على التنوع فى الاكل يعنى يصلحو من جهه ويخربو من ثانيه اختم بالمقوله الشهيرررررررره الموضوع ذو شحوم وانا متااابع لاخر المستجدات عند حريم السعوديه شاكر لكى التعليق وفى انتظار عودتك وعودة جديدك[/color][/size] |
[color=#990000]هههههههههه
ابن ثعلى وراك ماتهرج والا عاجبك اللى طايحات فيه والنعمه ماجابها لهن الا الله ثم ريجيلهن ورى ماتقتصدون عنهن وتحرمونهن النوم وتشغلونهن بشئ ينفعهن بدل الاكل الزايد والحش [/color] |
[quote]هههههههههه
من اللى يضحك على الثانى تقولين هالكلام وانت تطبقينه لكن كثرة الاكل والاطعمه ماهى مهمه بقدر كميه مايؤكل فى اليوم الواحد اذا ماكان فى الساعه الواحده[/quote] [color=#660099][size=5]لا أنا ما أضحك على نفسي للكن حبيت أعطيك نموذج عن إسلوب الغالبية من الناس وأنا لما أقول لك روح المطبخ وشوف نوعيات الأكل وليس كميات لأن النوعية تفرق مثال إنت لو أكلت قرص بر أو مصابيب أو مراصيع شكثر بتاكل وماهي المواد المستخدمة لصنع هذه الأطباق الرائعة من جميع النواحي تجد فيها الألياف والفيتامينات والكربوهيدرات صح طيب هات طبق آخر عصري مثال الهامبورغر كم يحتوي من ألياف وفيتامينات ؟؟ نسبة قليلة جداً بالإضافة لإرتفاع نسبة الدهون والكربوهيدرات هات طبق حلى 000000 مثال تجده حالياً في أغلب الطبخات0000 12 حبة جبنة كيري كأس حليب بودرة ظرف دريم ويب ظرف كريم كراميل علبتين قشطة إصبع زبدة علبة كبيرة حليب مركز شوكلاتة من أي نوع بسكويت مطحون أنت عاد إحسب السعرات الحرارية في كل نوع وإحنا نجمع هذه المواد التي تحتوي على متفجرات موقوتة كي تنفجر في أجسامنا وناكل لحد ما ننفجر هههههههههههههههههه وبعدها نتمدد عند التلفزيون أو ننام يعني مقارنة بين الأكل في السابق والأكل حالياً ونظام الحياة عموماً من نشاط وحيوية وحركة لكن ما السبب الذي جعل العالم مفجوعة على الأكل والله البعض تشوفه يأكل تنسد نفسك من المنظر وكأنه يأكل في آخر زاده!!! هل حياة الرفاهية أم كثرة المطاعم والدعايات الموجودة في كل مكان أم أنه تنفيس عن بعض الضغوط المكبوتة أم خلل في وظائف المخ أدى إلى خلل في الغدد والهرمونات <<وهذه الأخيرة أصبحت شماعة للبدناء ويا مالنا من الشحوم إذا لم يكن هناك وقفة جادة من الجهات المختصة في التعليم والتربية وتوعية الأسر عن مخاطر هذه الأساليب في الحياة ويبقى نظام المقاصف المدرسية فقيرررررررررر بمعنى الكلمة لكل ماهو صحي ومفيد كل السموم تباع عندهم من خبز أبيض وشيسي وصح منعو الببسي لكن يبيعون أسوأ منه من عصيرات ملونة فقط ماء وسكر ولون ونكهة المشكلة أولادي أعطيهم كل شي من البيت لكن يرفضون يبون مصروف فلوس قلت أوكي بعطيكم فلوس بس شرط ماتشترون إلا إذا طلعتوا من المدرسة وتأكلون اللي أعطيكم قالوا أوكي وتوصلني الأخبار إنهم يحطون الساندويش إللي أعطيهم في الزبالة وجميع الأطفال مثلهم لأني سمعت الكثير من ألمهات تعاني من أولادها هذا ما جعل البدانة والسكر والضغط تنتشر في مجتمعنا كما تنتشر النار في الهشيم [color=#FF0000]ملاحظة 0000000000[/color] [color=#000099] شرب الشاي والقهوة يعمل على خفض نسبة السكر في الدم مما يعطي إشارة للمخ بالجوع ومن ثم الأكل مرة أخرى وكذلك تناول النشويات والكربوهيدرات عموماً يعمل على رفع نسبة الإنسولين في الدم فجأة ثم نقصه بسرعة مما يؤدي إلى ردة فعل عكسية من البنكرياس ثم يعطي إحساس بالجوع مما يجعل الشخص يأكل دون حاجة للجسم مما يؤدي بدوره للسمنة وهكذا حتى يختل عمل البنكرياس ويرهقه مما يسبب مرض السكر [/color] [/size][/color] |
[size=5]ههههههههههههههههههههههههههههههههههههههههههه
وربي يالبارق بس مريت اضحك يسعد لي هالسمينات والبدينات <<<<< نحيفه مايحتاج الله يعين السماااااااان على تتبع تطورات الحميه ياناس من اولها لاتسمنون الله يسلمك اخوي وموضوع روووعه[/size] |
مشكور يالبارق
بالنسبه للبدانه إذا الحريم نسبتهم 70% وهم مرفهات وجالسات في البيت ولا عندهم إلا الأكل بحكم التواجد الدائم حول الثلاجه وما حوت وفي المطبخ بكل مكنوناته الغذائيه (بدينات ) عاد المشكله بالرجال السعوديين اللي مالهم بالمطبخ ولا عزايم الحلا وأكثرهم أعمالهم يبي لها مجهود بدني وصرف السعرات الحراريه الفائضه ومع ذلك نسبتهم في التقرير السابق 63% (يا حليل الحريم أجل ) عاد بالنسبه للبدانه عند أهل الطب أي شي يتجاوز معيارهم يعتبر بدين الطول - 100= الوزن المثالي يعني شخص طوله 145 لازم يكون وزنه 45 ومن هذا المنطلق واحد طوله 100 سم المفروض يكون وزنه صفر ( لاشيء) منطق مضحك عاد هو فيه بدانه بس مو لهذه الدرجه بصراحه فينا طبع جميعا نساء ورجال وهو لازم ناكل وليس ضروري أن تكون جائع وننسى (نحن قوم لا نأكل حتى نجوع ....) وإذا أكلنا لازم لازم نشبع وثلثي الشراب والنفس نعبيها طعام واللي يضحك إننا نفكر وش نتعشى وإحنا على الغدا وإذا أحد سألنا وش تتعشون قلنا وش عندكم (لازم ناكل ) يالله نعيش لنأكل ولا نأكل لنعيش عذرا لإطالتي |
[size=3][color=#990000]دلع اسف للتاخير المفروض انى اتابع موضوعى والنقاشات داخله
اتابع كل هالمعلومات الموجوده عندك يبيكى توصلينها للى فى البيوت منهم اللى يدرى ومنهن اللى يجهل وللاسف هى على جميع الطبقات والغالبيه يعلم ذلك واذا قلت له انتبه لنفسك قال الله يستر ويكفينا الشر انا عن نفسي متوقف على وزنى منحوالى السنه كامله ولاتغيرت الاشئ بسيط وعلى فكره السعرات الحراريه طلعت هى ام المشاكل عندنا لذلك فى دراسه الظاهر الاسبوع الماضي قرات عنها ان الانسان الواحد يكفيه فى اليوم الواحد 2000 سعره حراريه وعلى مااعتقد ان البيبسي يتكون من 300وحده او سعره حراريه وكذلك البيض هذا اذا حسبناها فى الصباح يعنى باقى لنا الداء فى الظهر وحاى العصريه ومقبلات المغربيه وعشوة مسائيه على الكيف استنتاجات نعلمها ونستمر عليها لكن لاتنظرى الى هؤلاء انظرى الى فئه بسيطه من مجتمعنا وهم فئه المدخنين وكم يضرو انفسهم من تدخينهم وهو ضرر كامل لكن على الاقل الاكل الزائد فيه شئ يهب ليتفيد منه الجسد فالمدخنين لم يتعظو وفيهم الاطباء والمثقفين والحكماء فكف رجي من عامه الناس ان يسمعو الى مضار الاكل الزائد لكن ابغى من تجربتك شكلك رايحه فيها من كلامك[/color][/size] |
[color=#990000]الاخت نسمه غلا
هلا وغلا يمكن تابعتى قناه العربيه وسط الاسبوع الماضى قالو حتى من وضع حميه ونزل من وزنه بعد سته شهور ربع وزنه مثا اول او زياده عنه يعنى نحافة مؤقته ليتهم بقو على الاول ومن طاح فى السمنه الله يعينه اهم شئ لايتعالج بالطب الكيميائى حتى لو يبقى على وزنه اللى هو فيه مشكوووره لمرورك وان كان من تعقيب على تعقيبي انا بالانتظار[/color] |
| جميع الأوقات بتوقيت GMT. الساعة الآن 11:25 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها