ولد الطنايا يمتدح قبيلة الهيلا عتيبه في قصيدته
 

[color=#666666]يعرفون المسيحي من صليبه
ويعرفون الخطابه من خطيبه
ويعرفون الليالي من قمرها
ويعرفون المولع من حبيبه
ويعرفون الغليم من خواله
ويعرفون المنابت من حليبه
ويعرفون النجايب من فحلها
ويعرفون الذيابه من قنيبه
ويعرفون النخاوي والعزاوي
إلا من صاحوا الهيلا عتيبه
يجونك من على ظهور الأصايل
كتيبة مير عن مية كتيبه
يدكون الصلابيخ برضمهم
ويغدون المشاريف الرقيبه
رحايلهم تنوخ بالثريا
طريق داسته ماتنتهي به
مضايفهم قلوب بك ترحب
صدور مانمترها رحيبه
إلا من جيت برقا حي فالك
وإلا من جيت روق أبشر بطيبه
[color=#CC0066](عتيبة ياتواريخ تدرس...؟؟)[/color]
عتيبة في معاندها صعيبه
عتيبة يامعسفة الصعايب
عتيبة عز منهو ينتخي به
عتيبة فعل وسلوم وعوايد
ومنهو عانده حصل نصيبه
عتيبه ويش اوصف ويش اخلي
وش اللي ماانحكى فيه نحكي به
عتيبه يابعد حي القصايد
قصايدنا الفريده والعجيبه
قصايد فيكم تشرف أهلها
أساس الشعر فيكم نرتقي به
وأنا ولد الطنايا إن جيت أبشهد
أقول إن المنابت من حليبه
وأقول إن النجايب من فحلها
وأقول إن الذيابه من قنيبه
وأقول إن النخاوي والعزاوي
إلا من صاحوا الهيلا عتيبه[/color]

[color=#006666]..

أخواني واخواتي من أعضاء ومشرفين ومراقبين وإداريين

هذه القصيدة للشاعر السعودي ( الحميدي الشمري ) ألقاها أثناء لقاء أجري معه في قناة نجوم والكثير لم يحضر اللقاء ولكن سؤالي هو أن هناك بيت أو أكثر حُذف في القصيده ولاأحد يعلم ماهو البيت أصلاً حتى نعلم سبب الحذف.. فأحببت أن أنشرها لكم لعل و عسى أن يزوّدنا أحدكم بالبيت المحذوف وسبب حذفه..
والبيت المحذوف بعد ( عتيبه ياتواريخ تدرس........؟؟؟.....) ثم يأتي عتيبه في معاندها صعيبه

.
.
.

شكر وتقدير للشاعر المتألق:

أحب أشكر الشاعر الرائع على قصيدته الجميله وأقول له:

صح لسانك ولاهنت ياولد الطنايا

ونعم والله فيك وفأصلك الطيب وماعليكم زود ياشمر الغالين..

.
.
.[/color]
[color=#336600]أختكم/[/color]

[color=#CC0099]فديت العتبان[/color]

مشكوره يااخت على تزويدنا بهذه القصيدة الرائعه ووالله ونعم بالطنايا شمر قبيلة من اعز القبائل وصح السان الشاعر فقد كفى ووفى واعتقد ان القصيده لم يحذف منها شئ لإكتمال المعنى واستقامة الوزن
تحياتي

[QUOTE=إبن ثعلي;392976]مشكوره يااخت على تزويدنا بهذه القصيدة الرائعه ووالله ونعم بالطنايا شمر قبيلة من اعز القبائل وصح السان الشاعر فقد كفى ووفى واعتقد ان القصيده لم يحذف منها شئ لإكتمال المعنى واستقامة الوزن
تحياتي[/QUOTE]

[color=#006666]هلا بك اخوي القدير ( إبن ثعلي )

تسلم على مرورك الطيب ولاهنت

القصيد وهي مكتوبة مو باين فيه الحذف لكن لما تسمعها على التلفزيون

وإلا تحمل من النت بيطلع باين بالصوت والصوره وشوف القصيدة

واسمعها وانت تحكم إذا كلامي صح وإلا..؟

ومشكوره ثانيه[/color]



[color=#CC00CC]فديت العتبان[/color]