الله من قلب(ن) تلاطم هجوسه ,, لطم البحور اللي طغت عقب زلزال
 

[align=center]اخواني واخواتي اضع بين

يديكم هذه الابيات المتواضعه

وارجو ان تنال استحسانكم[/align][poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله من قلب (ن) تلاطم هجوسه = لطم البحور اللي طغت عقب زلزال
قامت تزاحم بالضمير وتحوسه = وتلعب على هجس الضماير وتجتال
ليا لفت بالجاش دقت جروسه = ودعت هجوس الشعر رجلي وخيال
ولا ينطفي هجس (ن) لفتني حسوسه = الا ببدع القاف من زين الاقوال
هات الدوات وهات صافي طروسه = وخل القلم يكتب تعابير وامثال
طرايف(ن) باحلى الكلام مغموسه = ماحافها الجاهل ولا بدع جهال
اسبك بيوت الشعر واختار قوسه = لو كان بالملي تجي صف وجزال
سبك الذهب فاللي زهاها لبوسه = عنقى(ن) تماري في بهاها وتختال
يالله ياذاري ذوراي طعوسه = يامخرج(ن) ذا النون من ذيك الاهوال
ياخالق العالم وقابض نفوسه = يامن نصر موسى بلا حرب وقتال
تفرج لعين(ن) من عناها معموسه = ليا زل نص الليل تبدا بالاهجال
والقلب كنه في عراويه سوسه = تنخل عروقه وادعت الحال غربال
اشكي فراق اللي عيونه نعوسه = والخد براق(ن) زها حبة الخال
والرمش كن سيوف خالد بروسه = والعود ريحان(ن) من اللين ميال
محبته وسط الضمير مغروسه = لين اثمرت بالورد من كل الاشكال
وجدي على شوف الحبيب وجلوسه = جلسة شرف عن كل حاسد وعذال
يرتاح قلبي من تلاطم هجوسه = وانشر على الاوراق حققت الامال [/poem]



[align=center]مع خالص التحيه والتقدير


اخوكم عبدالله العصيمي[/align]

ماشالله تبارك الله

صح لسانك والله ياعبد الله

قد ابدعت وتفوقت

الله يعطيك العافيه وماقصرت وبيض الله وجهك

تحياتي من الاعمااااااااااق

صح لسانك اخوي الغالي عبدالله بن مناحي


وبيض الله وجهك



تحياتي لك ،،،،


اخوك النـايــــــــف