؟؟ الحرف احسده ؟؟
 

[size=4]بسم الله الرحمن الرحيم

احبتي اعضاء هذا المنتدى الغالي

الي قلوبكم هذة المتواضعه

وكلي امل ان تروق لكم

الله خلق للجمال ايات من خلقه
ايات حسن(ن) خلقها الله وفرقها

وانتي علي البيض حسنك واضح(ن) فرقه
قمة وصوف الحسن حسنك محققها

يوسف فرق بالجمال ومنه اخذ حقه
وثلثي وصوفه بك الرحمن وثقها

لاشفت عينك احس بداخلي حرقه
توقد نواعسك احاسيسي وتحرقها

وابحر فسحر العيون اوصل الي عمقه
والروح في بحر سحرك صرت مغرقها

وخدك كما برق غيمه جات منصفقه
يروي ظما اللي برجاها زين بارقها

وسمية جت تحدا الصيف وتدقه
تقول ابسقي الفيافي قيضك احرقها

فشفاك خمر(ن) حلال(ن) كايد(ن) ذوقه
وسكرة خمر شفتك ماحد(ن) تذوقها

وثمانك بريقك الخمري غدة غرقه
عطني ابنقذ ثمانك يامغرقها

الحرف احسده اذا من فمك جاء نطقه
ياسعد والله حروف(ن) فمك ينطقها

اصبحت غرب الجهه واصبحت لي شرقه
وجهك قمر غربها هو شمس مشرقها

ياكل شوقه وذوقه انت ياعشقه
روحه بسلك(ن) دقاقه لاتعلقها

وثق حبال الهوى عط عاشقك حقه
لاتترك الياس واماله يلاحقها

عاشق يقولك هذا الصدر قم شقه
الروح ملكك تربع في معالقها


ولكم فائق التقدير والاحترام

ابن نومان [/size]

[align=center]صح لسانك وعلى شانك

رائع لاهنت

تحيتي[/align]

صح لسانك وعلى شانك

رائع لاهنت

تحيتي

ابن نومان حياك الله و صح لسانك

وننتظر المزيد من الابداع

لاهنت يانمر على اختيار هذه القصيدة الرائعه وصح السان ابن نومان
تحياتي

[size=4]الاخوة الاعزاء

عبدالله المرشدي
ابن مسلم
ذيب الينوفي
ابن ثعلي

صحة ابدانكم وشاكر لكم هذا الحضور الرائع

والله يقدرني على كل طيب


خالص تقديري وحترامي[/size]

صح لسانك وعلى شانك

رائع لاهنت اخوي نمر0

تحيتي وتقديري

[size=4]الذويبي

صح بدنك وكلك

ولاهنت على هالحضور الطيب


تقبل خالص التقدير والاحترام [/size]