منتديات عتيبه - مبداي باللي شرف الخلـق بالديـن

مبداي باللي شرف الخلـق بالديـن=وللمسلم الصـادق بذكـره وناسـه
اللي له الاسـلام بالعفـو راجيـن=في موقفاً منه الولد شـاب راسـه
موقف وفا فيه اختلاف المـوازيـن=والخلق تاقف عاريـه مـن لباسـه
ياويل من هم لامر الالـه عاصيـن=من رحمة الرحمن يعلن فـلا سـه
ومن بعد ذكـرالله بالشعـر باديـن=ونظم الشعر سابق خذينا لكـا سـه
ياجا مجال الشعر جت له عناويـن=وهبه من المعبـود ماهـي دراسـه
ماهو غرورٍ والتعالي مـن الشيـن=لكن الحقيقه نـا فيـه لـلا تباسـه
وغيري من الشعار يوجـد ملاييـن=يبنونهن بني ا لبنـا فـوق ساسـه
لهم على مصـادر الشعـر تمكيـن=مشاعـرٍ ماهـي مبـادي سياسـه
يوضح به الشاعر هدف مقصده زين=ويحذر من اقوال الخطا وانعكاسـه
والكـذب والنفـاق طبـع الردييـن=والصدق مثل النور يجـلا دماسـه
وحنا على ناسٍ من الناس مخطيـن=العفوا يا من ساس الامجاد ساسـه
اشوف لي ناسٍ شيوخـاً مسميـن=لاشيوخ علم ولا مشا يـخ فراسـه
والشيخه له ساسٍ ومبدى مضامين=ماهي شيوخ المهزلـه والخساسـه
شيخه بدون افعال شيخة مساكيـن=ويجب على الرجال يلبـس مقاسـه
الشيخ اللي ترجيه نـاسٍ مساجيـن=يامن حبـل الشـر بالشـر لا سـه
والشيخ اللي ياطال صوت المعادين=نار العـدوا فعلـه يزيـد انعماسـه
والشيخ اللي ياصل مقام السلاطيـنوالراي والحكمـه تواجـد براسـه
والشيخ اللي عنده للافعـال تثميـن=ويفرق مقام الجوهـره والنحاسـه
والشيخ اللي ربعه برايـه عزيزيـن=يجمـع ولا يفـرق قرابـات ناسـه
والشيخ اللي به عز الاقصى والادنين=وعنده على فعل المراجـل حماسـه
والشيخ اللي يلوذبه شاكـي البيـن=يطر ي عليه اليا شكا الشخص باسه
بيته له الاجواد بالعـوز نـا صيـن=ا للي دخل بيته يشوف الو نا سـه
واليا نخوه اللي من الهـم شاكيـن=عيونه عن الواجب تعـذر نعاسـه
يقضي لزوم الشخص ماقال بعديـن=ولا قاله مطلبك تحـت الـدرا سـه
بالفعل وافي حافظـاً فعـل وافيـن=ومن لافهم معناه مـا بـه رياسـه
وصحٍ نشوف اشخاص بالفعل غادين=صاروا لشيخان السوالـف حراسـه
شيخه حكي بدون فعلٍ ماهي شيـن=وبا لشيخه مايوجد مجال البلا سـه
وهداج فعلـه واضحـاً بالبراهيـن=عد الروى ماهو شبيه الـر ساسـه
وصلوا على من خص بامر الثقليـن=ومن اقتدابه مايشـوف التعـا سـه

الشاعر سميحان بن فهد الشمري