ماهو على قدّه ولا الله بحاليه
قصيدة رائعة لشاعر المبدع مشعل عوض العتيبي
[poem=font="Simplified Arabic,5,white,bold,normal" bkcolor="teal" bkimage="" border="double,9,sienna" type=0 line=0 align=center use=ex num="0,black"] بعض الاسامي ماتوافق وراعيه=نطقه حرام وظالمينه ظليمه ماهو على قدّه ولا الله بحاليه=الاسم طيّب والمسمّا بهيمه وبعض الاسامي وفّق الله مسمّيه=يستاهله راعيه شيمه وقيمه الاسم ودّك لاتسمّا لآهاليه=اللي لهم بالجاه قدر وحشيمه ماهو لخبلن نافخاتٍ علابيه=لاكفّ شرّ ولارجع بالغنيمه متصاغيّ ٍ مايلتفت لو تحاكيه=والكبر من طبع العقول السقيمه ماتعرف الرجّال حتى تخاويه=والحكم قبل العرف غلطه جسيمه والرجل يُعرف من صديقن يباريه=ويكفيك عن ذيخ المجالس نديمه مايشره الاّ من يعرف المشاريه=شرهات بعض الناس مثل الشتيمه ولايكرم الاّ طيّبن من مجانيه=طبع الكرم لآهل النفوس الكريمه ولايبخل الاّ من بخيلن موصّيه=جوّد وصاته بالرسن والشكيمه البخل صبخا ماتبارك نواميه=والجود غرس وراعي الجود ديمه والطبع يغلب للتطبع مباديه=كلمه حكيمه من رجالن حكيمه بعض المواقف للرياجيل تنبيه=واللي يعرف العلم عقله خصيمه ماكلّ من يضحك بسنّه تجاريه=ومجامل اللي مايودّك جريمه من لايبيك اترك جنابه وطاريه=الذيب لاضاقت يدّل الخريمه ولاكلّ هرجن بين الاصحاب تبديه=بعض السوالف عاقبتها وخيمه تبلش بخبلن بس دوبك تهاديه=لا حاشمن نفسه ولا فيه شيمه بعض الاسامي زيلة اجسام ووجيه=وان جيت للواقع عظامن رميمه وبعض الاسامي وفّق الله مسمّيه=يستاهله راعيه شيمه وقيمه[/poem] وسلامتكم |
[size=6]ابو رايد صح السانك و السان الشاعر مشعل العتيبي و مشكور على التواصل المستمر [/size]
|
سلمت ياابورايد صح لسانك و لسان الشاعرمشعل بن عوض العتيبي
|
مشكور يابو رايد وصح السان قائلها
تحياتي |
جميع الأوقات بتوقيت GMT. الساعة الآن 06:33 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها