" فتّح سموعك لي وركّز واستمع يا ابن الحلال ... والكلمة اللي تستحي منها وتخجل بدّها "
 

[color=#000000][size=4][align=center]أخواني وأخواتي ....

السلام عليكم ورحمة الله وبركاته

أليكم هذه المتواضعة ....[/align][/size][/color]



[color=#0000FF][size=4][align=center]فتّح سموعك لي وركّز وأستمع يا ابن الحـلال*****والكلمة اللـي تستحـي منهـا وتخجـل بدّهـا
حالك معي يا راعي الرمش العكش ماهوب حال*****ونفسي من أفعالك معي يازين وصلـت حدّهـا
تراك عدّيت الحدود وطلـت شـيٍ مـا يطـال*****جيت بمكانه لانـت راعيهـا ولا أنـت بقدّهـا
ياللي طبوعك بـاردة وانـا سريـع الأشتعـال*****تشعل شراييني غـلا لـو كـان ماهـو ودّهـا
قلّطتـك بقلبـي وفاولتـك مباهيـر الــدلال*****وروحٍ على روحك وقلبك مـا تقاصـر مدّهـا
أخذت روحٍ صافية ماتعـرف دروب الخمـال*****وأن كنـت ماتقـدر توفّيهـا عطاهـا ردّهــا
روحٍ عطاها أعذب وأصفى من ينابيع الـزلال*****يعوضها ربي بغيرك كـان مـا أثمـر كدّهـا
أما تجي بالحـب ودروب المحبـة والوصـال*****والا جميع أبواب حبـك عـن غرامـي سدّهـا
وان كان قصدك أنحني لك وأرتخي هذا محـال*****لي هامةٍ تاصل إلـى الجـوزاء وتلثـم خدّهـا
وأن كان ماعديتني ربحك .. ما أعدّك راس مال*****أنـا كـذا لا جاتنـي عيلـه لـزوم أستـدّهـا
دربي يمين ولا أعرف ياصاحبي درب الشمـال*****وشبك على روحـي بفعلـك للشمـال تحدّهـا؟
أنا عزيـز وعزتـي يالتـرف مافيهـا جـدال*****وروحي إذا مالت عن أهل الطيب بلعن جدّهـا
روّح فمان الله قبـل أنطـق كـلامٍ مـا يقـال*****طبعي احشم النفس لـو غيـري بفعلـه لدّهـا
ولاتنتظر منـي طلبتـك أو بعـد كلمـة تعـال*****واللي حدا نفسي على الصـد يتحمـل صدّهـا
ولا تنّطح براسك عبث ياصاحبي صم الجبـال*****ما انته كفو للشامخـات مـن الجبـال وندّهـا
لكن قبل لا تنتحي عن دنيتـي عنـدي سـؤال*****روحٍ تحبـك ليـه يالغالـي تبيّـح سدّهـا ؟؟
[/align][/size][/color]



[size=4][align=center][color=#000000]وسلامتكم جميعاً .....[/color][/align][/size]

مكرر