منتديات عتيبه - " فتّح سموعك لي وركّز واستمع يا ابن الحلال ... والكلمة اللي تستحي منها وتخجل بدّها "

[color=#000000][size=4][align=center]أخواني وأخواتي ....

السلام عليكم ورحمة الله وبركاته

أليكم هذه المتواضعة ....[/align][/size][/color]

[poem=font="Simplified Arabic,5,blue,bold,normal" bkcolor="white" bkimage="" border="solid,4,red" type=2 line=0 align=center use=ex num="0,black"]
فتّح سموعك لي وركّز وأستمع يا ابن الحـلال=والكلمة اللـي تستحـي منهـا وتخجـل بدّهـا
حالك معي يا راعي الرمش العكش ماهوب حال=ونفسي من أفعالك معي يازين وصلـت حدّهـا
تراك عدّيت الحدود وطلـت شـيٍ مـا يطـال=جيت بمكانه لانـت راعيهـا ولا أنـت بقدّهـا
ياللي طبوعك بـاردة وانـا سريـع الأشتعـال=تشعل شراييني غـلا لـو كـان ماهـو ودّهـا
قلّطتـك بقلبـي وفاولتـك مباهيـر الــدلال=وروحٍ على روحك وقلبك مـا تقاصـر مدّهـا
أخذت روحٍ صافية ماتعـرف دروب الخمـال=وأن كنـت ماتقـدر توفّيهـا عطاهـا ردّهــا
روحٍ عطاها أعذب وأصفى من ينابيع الـزلال=يعوضها ربي بغيرك كـان مـا أثمـر كدّهـا
أما تجي بالحـب ودروب المحبـة والوصـال=والا جميع أبواب حبـك عـن غرامـي سدّهـا
وان كان قصدك أنحني لك وأرتخي هذا محـال=لي هامةٍ تاصل إلـى الجـوزاء وتلثـم خدّهـا
وأن كان ماعديتني ربحك .. ما أعدّك راس مال=أنـا كـذا لا جاتنـي عيلـه لـزوم أستـدّهـا
دربي يمين ولا أعرف ياصاحبي درب الشمـال=وشبك على روحـي بفعلـك للشمـال تحدّهـا؟
أنا عزيـز وعزتـي يالتـرف مافيهـا جـدال=وروحي إذا مالت عن أهل الطيب بلعن جدّهـا
روّح فمان الله قبـل أنطـق كـلامٍ مـا يقـال=طبعي احشم النفس لـو غيـري بفعلـه لدّهـا
ولاتنتظر منـي طلبتـك أو بعـد كلمـة تعـال=واللي حدا نفسي على الصـد يتحمـل صدّهـا
ولا تنّطح براسك عبث ياصاحبي صم الجبـال=ما انته كفو للشامخـات مـن الجبـال وندّهـا
لكن قبل لا تنتحي عن دنيتـي عنـدي سـؤال=روحٍ تحبـك ليـه يالغالـي تبيّـح سدّهـا ؟؟[/poem]

[color=#000000][size=4][align=center]وسلامتكم جميعاً .....[/align][/size][/color]