عذراً ياساحة الشعّار ( دام انكبونا لابسين الطرابيش )
 

[align=center][size=5][U]هلابك كم جميع هذه قصيده لـ الشاعر خالد بن سلمان

قصيده جميله جداً ورائعه اتمنى ان تنال اعجابكم [/U][/size]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوجد حال القلـب عـوّد علـى مـاش = يــوم الـصـداره عــوّدت للخفـافـيـش
والـحـزن عــوّد بالمعالـيـق جـيّــاش = وهمـوم وقتـي بيـن ورْد ومطاريـش
والهم طير ٍ مـن عنـا الحـال يعتـاش = وعيونـي للافـراح أمسـت معاطـيـش
يوم الشعر يهذر بـه الخبـل والـلاش = ويوم الصحافه خصصـت للدراويـش
مات الشعر يـوم الهـزل قـدّم الكـاش = ومات القلم في معمعـات البخاشيـش
هـذاك يسـرق فـكـرة الغـيـر يعـتـاش = يطرد ورى الشهره بتفكير من طيش
وهـذا يبيـع الشعـر مختـوم بـغـراش = يبـيـع شـعـره للمغـفـل يـبـي يعـيـش
وهـذاك شعـره ياعـرب كلّـه هشـاش = مافيـه مبنـى أو معانـي لهـا نشيـش
وهــذاك بالاشـعـار لـلـديـن عـــرّاش = يلـعـن ويكـتـب للسخـافـه خرابـيـش
وهذيـك تكتـب والجماهـيـر عـطّـاش = تنظـم قصيـد وكـل بـيـت ٍ بتغشـيـش
وعوّد زمـام الأمـر/ بيديـن الاوبـاش = وأهل القصيد الجزل ماتـو معاطيـش
يامقـرد النمـل الشـقـاوي الــى راش = ويامقـرد عـيـون ٍ نظـرهـا بتغبـيـش
وياساحـة الشّعـار باتـي بـلا فــراش = دام انكـبـونـا لابـسـيـن الـطـرابـيـش
وجزل القصيد اليوم يظهـر بمنقـاش = مـن كـثـرة الشّـعـار نبـغـى مناقـيـش
ودام الهزل في هالزمن أزهر وعاش = ماظنتي الجزلات تقـدر علـى العيـش
يصيـد حــرّ ويـاكـل الصـيـد خـفّـاش = عزّي لحر ٍ بات بيـن الخفافيـش [/poem]

[size=5][U]صح لسان الشاعر خالد بن سلمان

عز الله انه صادق بكل حرف[/U][/size] :)[/align]

صح لسان الشاعر والله يعافيه قصيده جزله من شاعر جزل وفالك المليون والتوفيق

وش خالد بن سلمان؟؟؟

[quote=الاديب;349272]صح لسان الشاعر والله يعافيه قصيده جزله من شاعر جزل وفالك المليون والتوفيق[/quote]

الاديب اشكرك على مرورك الكريم

مع التحيه

[quote=الهلالـي;349273]وش خالد بن سلمان؟؟؟[/quote]

اخوي الهلالي

انا ابي اسألك وش الشاعر حامد بن زيد

وعلى قولتك وش خالد بن سلمان

هذا شاعر قدير وله كل الاحترام والتقدير

على العموم اكتب في قوقل

الشاعر خالد بن سلمان

وانت تعرف خالد بن سلمان

مشكور

عبد الرحمن بيض الله وجهك وصح السانك والسان الشاعر خالد

قصيده جميله

لك تحياتي

قالوا وطنكم قلنا تربة وطوبة
يشهد لها التاريخ من بد الأوطان
في ديننا رحمة وذنب وتوبة
والرب واحد نرتجي منه غفران
قالوا ملكها قلنا صقر العروبة
حامي وطنّا وقاهر كل خوان
جانا بعد فهدٍ وكمل دروبه
مثله بنفس الدرب من مثله إنسان
قالو فخركم قلنا منه ينوبه
رمز الكرم والجود من عند سلطان
الله يديم أمجادنا كل نوبة
يحفظ بلدنا من تدابير عدوان



الشاعر خالد سلمان

مشكور يااخ عبد الرحمن وصح السان الشاعر خالد بن سلمان قصيدة رائعه
تحياتي

[size=5]يامقرد النمل الشقاوي ليا ريش= ويامقرد عيون نظرها بتغبيش
يعني النمله تتعب ليا طلع لها جنحان
وخالد سلمان يلي ماتعرفه وانا ما اعرفه شاعرجزل بس ماعنده واسطه في الاعلام ماتشوفه حاقد على الخفافيش[/size]

[quote=صدق;349457]عبد الرحمن بيض الله وجهك وصح السانك والسان الشاعر خالد

قصيده جميله

لك تحياتي[/quote]


ووجهك ابيض اخوي صدق
اشكرك على مرورك الكريم
مع التحيه