منتديات عتيبه - تل قلب في طريق الموده مبتلي

هذه القصيده لسعد القاطع وهي احد قصائده الغزليه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تل قلـب فـي طريـق المـوده مبتلـي=يشتكي والله مـن حـب زاهيـة الوشـام
عاصي قلب الخطـا مايطيـع العاذلـي=مايذوق الـزاد ومحـارب حلـو المنـام
من غزال واقف(ن) عند بـاب المنزلـي=لابس(ن) تاج الهوى يعترض لاهل الغرام
ياغزال اشقر عفـر بالجمـال مؤهلـي=ياذهب مصبوب مابه من الفضـه لحـام
لامتيـن ولادقيـق(ن) وعـوده ممتلـي=والنهـود بلبتـه كنهـن بيـض الحمـام
والثنايـا كنهـن القـحـوان بالجـلـي=من ورى حمر الشفايا وشذرات الزمـام
ياعيون مقرنـس(ن) للحبـارى يفتلـي=كنهن بالقلب يرمـن خطيـرات السهـام
كن قلبـي فـي سنعهـم يتـل وينتلـي=تل حبل الدلو لاصار مـع ورد الحيـام
تلهـا سكـراب دوج يسوقـه جاهـلـي=ماتوقف ليـن كسـر محاصيـل المقـام
من يلوم اهل الهـوى بالطـراد يجندلـي=بم خمس اللي مضاريبها تشدى العظـام
ذاك لـو هـو مثلنـا بالمـوده مبتلـي=كان يضرب للعـذارى تحيـه واحتـرام
يسمع الطيـب بقولـي ولايشـره علـي=والردي وش عاد لو كان يلحقنـي مـلام
ومن سمع قولي يقول الصلاه على النبي=واذكـر الله واشكـره بالبدايـه والختـام[/poem]