ياراكب اللي يسبق اطراف ظله
 

ياراكب اللي يسبق اطراف ظله *** يدني ديارٍ مبعداتٍ نواجيع

اليا عطا خطٍ سريع استحله *** ذيبٍ تعدى والحصاني مراويع

مصنوع لاجل الخط والخط مله *** وده يسوى للكواكب مطاليع

جمسٍ جديدٍ في البوايك محله *** ماحملوه من المحارق قراشيع

كنه هنوفٍ في تواصيف دله *** يشدي حشاها بطون جيشٍ مجوايع

العنق نايف والصدر سهلةٍ له *** فيها كما نبت الزبيدي مصاليع

من شافها يشكي ثمانين عله *** ومن ذاقها تطيب منه المواجيع

فوقه غلامٍ لاعطى الدرب دله *** ضاري على قطع الدروب المخاويع

ما قصرت يالواصل وصح السانك ولكن الجمس ما وصل لهدفه هل للقصيده بقيه
تحياتي