{ النونيهـ }
 

هذه القصيده اتمنى ان تنال اعجابكم وهي من القديم جدا ولاول مره انشرها .


[poem=font="Simplified Arabic,5,black,bold,normal" bkcolor="transparent" bkimage="" border="solid,4,black" type=2 line=1 align=center use=ex num="0,black"]
ياعبيد هذي لك نصيحـة فطينـا=قفيتها لـك ياعزيـزي او وازن
مرسولة لك من صديـق حزينـا=قضى سنينه كلها حـزن وفتـن
شاف البلاوي في متون السنينـا=جابن بلاويهـن لحامـد يشيلـن
الماضيات اذكـر بهـن الونينـا=وليا طرن لي يابن الاجواد انا اون
والحاضر امسى للخضوع يحدينا=اما تعب ولايبـا الرجـل ينجـن
الوقت قاسي حيل واحتـال فينـا=عسى ليال الوقت ياخوي يـاون
نطـوي ليالينـا ومهمـا طوينـا=نلقاهن اللـي للرياجيـل يطـون
وانقول فيهن مار مهمـا حكينـا=نشوفهن من بين الاجيال يحكـن
ونمشي بهن وانقول حنا مشينـا=وليـا توقفنـا لهـن يتمـشـن
وش عاد لورحنا ولوعـاد جينـا=لابد من يوم يجـي فيـه ندفـن
ميرا لبلا من بـت فيـه الوتينـا=اضعيفن مـن حاجتـه ماتمكـن
وان صار لادنيـا ولافـاد دينـا=بلواه كبر طويق واجـل وامتـن
مسكين ضيع سنـة الصالحينـا=اتباع طه المصطفى فعل وسنـن
ولا يعدونـه مــن التابعيـنـا=وافخت طريق اللي لهم بالدهر فن
هـذا تحديهـن وحنـا حديـنـا=على تحد يهـن ليامـن تحـدن
هذي خلاصـة ماعرفتـه يقينـا=وانـا بنكبـات الدهـر ذا ميقـن
هذي سواة الوقت في كـل حينـا=وابغاك تعرفها على شان تفطـن
مبغاك بعد رسالتـي ذي تشينـا=ولاودي انك يابيض الوجه تحزن
وختـامـهـا يالله لاتبتلـيـنـا=ماغير وجهك ياكريم إلي مزبـن[/poem]



مع تحيات / حامد الجذع العتيبي

1


1


1

1


حجز ولي عوده

صح لسانك ياحامد


جزله من جزل

تحياتي

الغالي


حامد الجذع العتيبي

بيض الله وجهك..


قصيده رائعه وجزله من جزل...

لاهنت..


ولاتحرمنا جديدك...


وتقبل تحياتي..

الأديب


بيض الله وجهــك على هذه القصـيدة الجـزله التي حلّقت بنا الى سما الجـزاله
لله درك يالأديب والله لايضـرّك , , ,

تقبل تحـيات اخـوك : محمد العريــدي


دمت بحفظ الله

صح لساااااااااااااااانك وبيض الله وجهك يالغالي

عبدالله المرشدي

شكرا لك على المرور .
------------------------------------


ابن مسلم

الله يعطيك العافيه على تعليقك السار وتقبل شكري
-----------------------------------------------------

ناصر بن سعدي

وبيض الله وجهك انت بعد وتقبل شكري على المرور الكريم
-----------------------------------------------------------------------


محمدالعريدي

الله يطول عمرك واشكرك على المديح والدعم المعنوي الرهيب
تقبل شكري وتقديري.
------------------------------------------------------------


طلال الكرنفال

صح بدنك وطال عمرك وتقبل الشكر الجزيل



//////// اشكركم اخواني جميعا على المرور ///////////////

الأديب


صح لساااااانك

رائعه بروعة شاعرها

كل الود

صح لسانك ياحامد


جزله من جزل

تحياتي

اخوي ناصر الحربي صح بدنك واشكرك ورايك يهمني
واعتز به .


----------------------------------------------
شاعر روق

الله يعطيك العافيه على تعليقك السار وتقبل شكري


-------------------------

يامن عين عبدالله المرشدي
ماسمعنا رايه بالقصيده .