الفقـر مزلاج الفعول المجيده
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامـل قلـبٍ فيـه مثـل الوقيـده = صالي سناها يسعر الجاش ويميـع
من قـو لاهبهـا تـذوب الحديـده = تجزع مقاليـط الرجـال البواتيـع
عنيـد لكـن الليـالـي عنـيـده = ابني مشاريـعٍ وتهـدم مشاريـع
نريـد والله يفعـل اللـي يريـده = وشهب الليالي واقفتلي على الريـع
قامت تخبط القلـب خبـط اللبيـده = تغلظ وانا مانـي كثيـر التجازيـع
من شافني يقـول وشـذا الوليـده = وانا زمانـي لـه عليّـه تهازيـع
نشف لدمي وايبسـه فـي وريـده = ودق الحشا دق الصفـا بالفواريـع
لي قصـةٍ مـا ترجمتهـا قصيـده = لاهب لضاها مزع الجوف تمزيـع
تصعب تخيلهـا العقـول الرشيـده = اللـي تحـل معقـدات المواضيـع
من جورهـا مـا تحتملهـا بديـده = وإلها تشوّك روس كل الرواضيـع
يعلم بها الخالـق وتجهـل عبيـده = والسر خيـطٍ والخلايـق قواطيـع
تسعالهـا روس الـردا والنقيـده = اهل الهـروج مكثريـن الزوابيـع
اللي مـع الجـره مغيـره معيـده = وتـرب ديـان الخلـي البلاقـيـع
والذيب ذمه مـا ينقّـص رصيـده = يرقا عن التفاق عسـر المطاليـع
ما ياصلـه زوم النفـوس البليـده = اللي على زلات الانفـس مطاميـع
تعلا النشامـا بالخصـال الحميـده = واهل الخطايا في خطاهـم مدانيـع
وكم من عضيدٍٍ علته من عضيـده = وكم نايـدٍ مبعـد كثيـر التنافيـع
وخف من عدوك مـرةٍ مستكيـده = وخف من صديقك بالشهر والاسابيع
وموت الفتى بالمرهفـات الحديـده = اخير من صبره على الذل والتيـع
والرجل تطلعه الضروف الشديـده = والا الرخا كـلٍ يشـوح المراميـع
والفقر مـزلاج الفعـول المجيـده = والناس تفرق مثل فرق الاصابيـع
والعمـر فانـي والليالـي مديـده = والذنب عاشق والخطايـا مفاريـع [/poem]

صح لسانك

وبيض الله وجه ياسعود

جزل دائماً

تقبل تحياتي

شاعرنا القدير ...

سعود القت ..


لله درك...متألق ...وجزل....ومدري وش أقول :)

بس مافيك حيله ..:)


بيض الله وجهك ...

والفقر مـزلاج الفعـول المجيـده
والناس تفرق مثل فرق الاصابيـع

والعمـر فانـي والليالـي مـديـده
والذنب عاشق والخطايـا مفاريـع



لاتحرمنا ..جديدك..

وتقبل تحياتي ..

[align=center]صح السااااانك

وعلى ما قال اخوي ناصر

مافيك حيله


:)



تحياتي[/align]

وكم من عضيدٍٍ علته من عضيـده=وكم نايـدٍ مبعـد كثيـر التنافيـع
وخف من عـدوك مـرةٍ مستكيـده=وخف من صديقك بالشهر والاسابيع


المبدع :

سعود القت...........

صح لسانك قصيده جزله كجزالة كاتبها.....

والطيب مانستغربه من هل الطيب..........

وكذلك الابداع...........

صح لسانك ....

وبيض الله وجهك ياسعود القت........

جزل دائماً ...

تقبل تحياتي,,,,,,,,

الشاعر القدير


سعود القت


صح لسانك

وعلى شانك

وسلم بنانك

احترامي

صح لسانك ياسعود وبيض الله وجهك والجزل لاياتي الابجزل
لك مودتي واحترامي

سعود القت

صح الشانك على هالرائعه

والله لا يهينك

وننتظر جديدك طال عمرك

ودمت كما تحب

[align=center][color=#0000FF][size=5][align=center]صح لسانك

وبيض الله وجه اخوي سعود

قصيده جزله ومن جزل

تقبل الشكر اخي

[/align][/size][/color][/align]