من روائع الامير الشيخ تركى بن حميد العتيبى رحمه الله
 

من روائع الامير الشيخ تركى بن حميد العتيبى رحمه الله

شيخ شمل قبائل برقا من عتيبه


البارحـه بالنـوم كنّـى مــوراّ

جا حلـم ليـل يـوم عبّـر ولاشيـف

اونست هاجوس علىالصدر مـراّ

منـه الفـواد معـلّـق بالمخاطـيـف

وابدى كنين الروح داخـل وبـرّا

مـن نقـض مايفتـل وفتـل بتكليـف

يارازق اللى فـى رجـاك يتحـرّا

من مدّ جـودك ياوسيـع المحاريـف

ان جـت مـن الله ماعدويـضـرّا

وليا ادبرت قلـت دبـور المصاريـف

مادون ربـك واحـد لـك يسـرّا

للـرب حكمـه بالمعانـى وتصريـف

قـم يامحمـد سـوّ حلـو ومـرا

رسم الى جوك النشامـا هـل الكيـف

مع منسف حـول المنـاره يجـرّا

واشناق حيل صفوهـا لـه ذواريـف

واعمل بخير ولا تجـازى بشـرّا

وارجى الفرج من عند والى المصاريف

واجهد بتقـوى الله لـدار المقـرا

العبـد طرقـىّ ركـابـه مناكـيـف

دنياك لـو زانـت تراهـا مغـرّا

دنيـا خـراب ولا عليهـا تحاسيـف

فيهـا لبيـب العقـل مـا يستغـرّا

لـو امهلـت لابـد رحلـه وتخفيـف

اخشـع تواضـع لا تكبّـر تـزرّا

ما شفـت ميـلات الليالـى مراديـف

ورفيقـك الغالـى منـه لاتـبـرّا

ادمح خطاه اللـى تعبّـث عجاريـف

يشرب معك صافى وكـدر ومـرّا

ويرد معك حوض المنايا الـى عيـف

نوب تـذرّى بـه ونـوب يتـذرّا

عديـل عمـرك باليالـى الشفاشيـف

جر القلم واكتب لنـا اللـى تـورّا

سلام احلى مـن حليـب المشاغيـف

منّى لمن تابع هـوى كـل غـرّا

شيخ يـروّى بالملاقـى شبـا السيـف

زيـزوم غلبـا كـل يـوم تجـرّا

واطرافهـا تاطـا الغبـا والمشاريـف

ذولـى يسرّحهـن وذولـى تسـرّا

وذولـى مغيـرات وذولـى مناكيـف

والى عدا باللى عـدا فيـه غـرّا

بر بع على قحص المهار المزاغيـف

سلاحهم شغـل العجـم والمجـرّا

ودهـم الفرنـج مفرّقـات المواليـف

وصلّوا على المختار والصحب طرّا

ماهبت الانسام مـن رايـح الصيـف

وسلامتــــــــــــــــــــــــكــــــــــم

تحــــــــياتي

بصراحه ابدعت يا alwasal والى الامام
مثل هذا القصيد هو الواجب المحافظه عليه ونشره

[[poem=font="Simplified Arabic,5,seagreen,bold,normal" bkcolor="sienna" bkimage="backgrounds/2.gif" border="ridge,6,green" type=1 line=0 align=center use=sp num="0,black"]
ونعم بتركي يومه يستاهل المدح = و اللي كتب لنا شعره تسلم يمينه [/poem]

الــســــلام عليكم ورحمه الله وبركاته
الآخـــــوان
العريدي و سلبل سيوف


اشكر مروركم الكريم الذي أضاف لي كبرا وجمالا ايضا بصفحتي الصغيرة
اشكر اطرائك الخفي الجميل لي والذي زادني قوة وتشجيعا ....

سلمتم لي ولا هنتم .....

صح السان الشاعر والله يرحمه ويغفرلله

وسلمت على النقل ولاهنت يالواصل

رحم الله أميرنا الشيخ / تركي بن حميد
رحمة واسعه

سلمت يمناك أخوي الواصل عل نقل الجزل من القصائد

alwasal
مشكور ويعطيك العافيه على نقل المميز

تحياتي لك

[color=#FF0000][size=4]تسلم يمينك أخوي alwasal على نقلك الجزل ورحم الله الفارس والشيخ تركي بن حميد[/size][/color]

صح لسانك اخوي الوصل

والله يرحم الامير تركي بن حميد

وبيض الله وجهك يا الغالي

على هذا الاختيار الرائع

تحياتي لك ،،،،