منتديات عتيبه - [تعــــــــــريـف الشعـــــــــر]

[size=4]اسعد الله جميع اوقاتكم يالغالين

لكم هذه القصيده لابن العم الشاعر نايف معلا العطاوي العتيبي

واتمنا ان تنال اعجابكم جميعا [/size]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الشـعـر تعريـفـه بــدون أيــة جــدال=(كـلام لـه معـنـى مقـفَّـى ومــوزون )
ولـو قالـوا أبـا أقـول عـن كـل الأقـوال=هـذا الصحيـح وقـولـوا الـلـي تقـولـون
ماهـو كـلامٍ كـيـف مــا قـيـل ينـقـال=وش لون ؟ مدري ! كيف ؟ ياكيف ! وش لون ؟
لا قافيـة ، لا وزن ، لا نـعـت ، لا حــال=لا وصف ، لا تشبيه ، لا شكـل ، لا لـون !
يعنـي سوالـف بـس مـن غـيـر مـنـوال=سولـف واسولـف وأكثـر النـاس يوحـون
حتـى لـو إنــك جبتـهـا مالـهـا جــال=اهــم شــي تـكــون رزَّه ومـزيــون
وفـي يـدك ساعـة تعطـي ألـوان واشكـال=مطلـيـة بألـمـاس مـاهــو زركـــون
وفي أصبعك خاتـم فضّـه ، وفصـه جـلال=مغيـر يلمـع كـل مـا قـلـت هالـلـون ؟
وشمـاغ لــولا حبكـتـه قـلـت طـربـال=لاوالله الطـربـال مــع شكـلـه يـهــون
وعقـال مـن شافـه حلـف ماهـو عـقـال=يـقـول : هــذا عـقـال وإلا درقـســون
وثـوبٍ مفصـل مـاهـو آيــات تفـصـال=لـو تلبسـه عـذرا غـدا القـلـب مفـتـون
مـاهـو بـثـوب الـدفّـة بمـيـة ريـــال=لخامـة قماشـه بألـف ، وألفـيـن عـربـون
وإن كنـت فاضـي يـوم ماعنـدك أشـغـال=علـيـك باستـديـو زمـانــي أو فـنــون
وطـق لـك صـورة كايفـه مالهـا أمـثـال=ويفضـل إنْ إيـدك علـى خــدك تـكـون
وحاول تعـرف لـك علـى شخـص محتـال=اعـلامـي ومشـهـور مـاهـوب مـدفـون
بإمكـانـه يخلـيـك فــي أيــام ولـيـال=مشهـور مثـل النابـغـة وابــن خـلـدون
وحـاول قبـل كـل شـي تغـريـه بالـمـال=ليـن إنـه بكبـره يصيـر إلــك مـرهـون
وأشيـا كثيـرة غيـر هـذي عـلـى الـبـال=يانـاس ! ياعالـم ! هـو أنـتـم تشـوفـون
موروثنـا الشعبـي غــدا نـصـه خـبـال=بيديـن متـشـدق ، وســاذج ، ومجـنـون
مـن عقـب ماكـانـت تـوارثـه الأجـيـال=أصبـح مجـرد شــي زايــد ومـركـون
ومـن عقـب مـاكـان يتنـفـس ويخـتـال=صـار أكسجينـه ثانـي أكسـيـد كـربـون
تعـرضـوه صـويـر ، وعـويـر والـفـال=لـلـي عـلـى نـهـج الثنيـنـه يسـيـرون
صويـر جنـب عويـر ، وعـويـر دجــال=وعويـر جنـب صويـر ، وصويـر ملسـون
عـويـر لامــن قــال : يــالال يــالال=صويـر يصـرخ ! ياخـي إبـداع وجـنـون
يـامـال فـرقـا العـيـن يـامـال يـامـال=جـنـون يمـكـن لـكـن إبــداع تبـطـون
وإليـا سمـع بيـتٍ مـن بـيـوت الأبـطـال=فلنفـرض إنـه مـن بيـوت ابــن لعـبـون
عقـد حجـاجـه وإنقـلـب جــده هـبـال=وراحـت علـومـه كلـهـا دون فــي دون
وقـال الحقيقـة كـل عصـر ٍ لـه رجــال=وحـنـا بعـصـر التلـفـزة والتلـيـفـون !
لكـن ويـش الـفـرق يالـغـادي الـضـال=لكـل عصـر رجـال والشـعـر مصـيـون
مـاهـو بعـرضـه للمهـبـل والأنـــذال=الـلـي لـيـا بـانـت نجـومـه يغيـبـون
نجـومـه الـلـي يستحـقـون الإجـــلالأمثـال ، بنـدر ، والزلامـي ، وابـن عـون
وابـن سنـد ، والأكلبـي ، وابــن هــذال=وبـدر الحويـفـي ، والعسيـلـي يـعـدون
هـذا مثـال ، وبـاقـي أمـثـال / وأمـثـال=أسمـاً ذهـب , وأصحابهـا مــا يهـونـون
والشعـر مهـمـا صــار بـاقـي ولا زال=وشعّـارنـا فــي كــل وادي يهـيـمـون
ياكثـرهـم كـثـراه لا جــت لـــلأزوال=وإن جــات للشـعـر الحقيـقـي يقـلّـون
مليـون لكـن لـو تجيـب إلــك منـخـال=وتنخلـهـم بمنـخـال مـاهــم بمـلـيـون
وأنـا مـا أبـري نفسـي بـكـل الأحــوال=أخـاف فـي المنخـل مـع اللـي يطيحـون
لـكـن والله مـانــي قـصـيـر حـبــال=ولانـي مـن اللـي فـي القوايـل يضيعـون
والشعـر احبـه حــب مافـيـه مـدخـال=مانـي وصــي الشـعـر لـكـن مغـبـون
مــن نــاسٍ تـحـاول تحـيّـل وتحـتـال=نـاس ٍ بحـذف السيـن والألــف والـنـون
عمالقـة واحـدهـم إنْ قــال مــا طــال=فطاحـلـة وإن جـيـت للـحـق مـالــون
تحـت مسمـى الشـعـر يبـنـون الآمــال=وآمالـهـم ياجعـلـهـم مـــا يـفـيـدون
صـورة علـى غـلاف المجـلـة بمـدهـال=وإلا حــوار مـطـول وفــي التلـفـزون
وأعمالـهـم والله مــن شـيـن الأعـمـال=هــرجٍ يجيبـونـه وهـــرجٍ يـــودون
فـلان قـال ، وقــال . وفــلان رجــال=وفـلان ماهـو رجـل ، وفــلان دنــدون
أقـول ! ناولنـي مــن الكـيـف فنـجـال=ماعـاد صـدري يحتـمـل كـثـرة غـبـون
يقـول ابـن جـدلان مـن عـرض مـاقـال=(تكفـون صونـوا كلمـة الشعـر تكـفـون)
وانـا بقـول اليـوم عــن كــل الأقــوال=(هـذا الصحيـح وقولـوا اللـي تقـولـون ) [/poem]

[size=5]
ولكم تحياتي وتقديري[/size]