منتديات عتيبه - لولاي ادله خاطري بالزقاره

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذه القصيده موجهه من الشاعر / محمد بن شجاع بن حبيتر الحربي

الى صديقه العزيز / عبد الله بن نزال الشمري ( ابو هلا )

لــولاي أدلــه خـاطــري بالـزقــاره = لبـوح في هـم عـن الـناس مـخـفـيه

أجــر جــمـرتــهـا وتـبــرد حــراره = وأكوي بها هاجـوس قـلبي وأهاديه

أيــا عــمـار الــقــلـب وأيــا دمــاره = ومـن ورد الـدخـان ربـي يـجـازيـه

يــابــوهـلا مـاكـنـتـي لــه شــطـاره = قــل لـلـمـطـوع فـاقـد القـلب غاليه

يابـو هـــلا خــلـي بــعــيــد مــزاره = قـفو به البدوان وضاعت حراويه

يـاعـنـك مـادوج بـحـوش الـعـمـاره = ولاطبــت اسـواق المدينه مواطيه

مـاعـاش فـالـديـره وجـو الحـضاره = نبـت الخـزاما والنفل هي مرابـيه

وأبـري حـالي بـري عــود الـنجـاره = عـود براه ابن الـدهـامي بـيــاديه

عــلـيـه خــد الـيـا تـبــيــن حــمــاره = يدني منايا عيون شخص تراعيه

أدعـج غـنج يـفـتـن بـذوق وشـطاره = لاسـلهـم برمـش غـريـبه معـانيه

عـيـنه كـما عـيـن أشـقـر بـالـزبـاره = فــرعـبه غــلام بـعـيـده مـرامـيه

مــعــرب مـــتــولــع بـــاالـصــقــاره = أهـل النـمـيـمه والحسد ماتدانيه

والـعـنـق عــنـق الي سـريـع فــراره = أدنـاة حـس يـجـفـله من مفاليه

أنــا رهــيــن لــحـاجـــبـه والاشــاره = ومرهون في بسمة جنابه وأشافيه

كـــم مــرة والــيــل ضـافـي سـمـاره = أضـحـك معه وامزح واقدر مباديه

حـكـيـه سـحـر اسلـوب فـن ومهـاره = قـلب الهـواوي يمزعه من كراسيه

قــفـت بـه الاقــدار ومـثـلـه خـسـاره = عـزي لجفن جاير الصبر كاويه

امـن القـهـر فـاالكـبد مـثـل الـمـراره = ولدق بي هجس الغلا صحت اناديه

قـلبـي يــفــز كــل مـاتـذكـرت ســاره = فزيز إف ستة عشر من محانيه

أرجيه طول العمر وأرجي انـتضاره = ياكيـف ابـنسى مرحبا فيـك لبيه

هـذا مـنـى قــلـبـي وهــذا اخــتـيـاره = وغيره من الخفرات ياصاح مابيه

مع كـل طـلعة شـمس بالجـوف غاره = يغير ماض الشوق وأذكر لياليه[/poem]