ليت الزمان يدق ريوس واوريك !!!!
 

اول قصيدة في حياتي قلتها فيك***ثاني قصيدة اجزم انك بطلها

ثالث قصيدة يا عسل كلها فيك***رابع قصيدة في عيونك غزلها

خامس قصيدة في رموشك وفي فيك***سادس قصيدة في حياها وخجلها

سابع قصيدة يا حلو جبت طاريك***ثامن قصيدة كنت فيها املها

تاسع قصيدة فيك لا بارك الله فيك***عاشر قصيدة مدح للي حملها

والحين تســمح ابرد حرتي فيك؟***ليش انها صدت وزادت جهلها

اهب يا وجهك على الناس مغليك***ادمح لسياتك وازيد احتملها

لا شفت دمعك هل فزيت وش فيك***اواسي الخاين وعطفي شملها

بالليل اسامر واسلي والضحى افليك***كني طبيبة مخلصة في عملها

ليت الــــزمان يدق ريوس واوريك***كيف العرب يا شين تطرد هملها

والله مامشي لك ولا اتبع خطاويك***يالناقة اللي ضاع منها فحلها

بنت الفلان اللي يبيع المساويك***ملـعونة الرســرس تباً لاهلها

قرصة تعلم وقرصة اخرى توعيك***لاشك من له حاجتن قد وصلها

احذر ترى من باع ماهوب شاريك***لا تغرك الكلمة ولا اعذب جملها

واكبر دليل اللي تشوفه من الديك***يذن ولا يوم(ن)سجد في سهلها

يا قشر حظ اللي وقع بين اياديك***عزالله انه راح فيها واكلها

وين انت ياللي عيت النفس تبغيك***النفس تابت واعتذر من زللها

وسلامتكم
مجرد عبث لا اكثر ولا اقل
ودمتم غانمين

لله درك

صح الله لسانك

تقبل فائق التحايا

صح بدنك اختي حنين الماضي
وشرفني مرورك الكريم وتعليقك

[align=center][color=#FF0000][size=4]مالك السعيد ,,

صح لسانك ,,

لاهنت على الابيات الجزله ,,

مع تحياتي ,, [/size][/color][/align]

صح بدنك وحش عتيبة
وبيض الله وجهك

صح لساااااااانك مدد بلا عدد


ولكن لو بعدت عن العتاب الجارح لكان كسيت القصيده اكثر جمالاً

تحياتي

صح لساااااااانك مدد بلا عدد


ولكن لو بعدت عن العتاب الجارح لكان كسيت القصيده اكثر جمالاً

تحياتي

صح بدنك اخوي صالح
واحترم رأيك
عزاي اني مبتديء ...ورأيك راح يكون احدى النقاط اللي راح اعتمد عليها باذن الله
وتقبل تحياتي

ماشاء الله عليك


رائع رائع

بس لازم اخي

ماتكرر القافيه الا ابعد سبع ابيات ان اضطررت


وبرضه الوزن فيه اختلاال

حاول تغنيها غنا واللي توقف فيه عدله


احترامي وتقديري

على عيني وراسي اخوي عبدالله المرشدي
والف شكر للنقد والتوجيه وثق ان نقدك محل اعتبار
ويعطيك العافية