منتديات عتيبه - شــــــــــــــــــــــــــفاء الطـــــــــــــــــــايــــــــــــــــــف

شــــــــــــــــــــــــــفاء الطـــــــــــــــــــايــــــــــــــــــف

[poem=font="Simplified Arabic,5,blue,normal,normal" bkcolor="deeppink" bkimage="" border="none,5,deeppink" type=2 line=0 align=center use=ex num="0,black"]

يامعذب الاحباب ياغايب متـى وقـت الوصـول=انا على نـار انتظـر رجعتـك لوطـال الغيـاب
ياهمي الـي لـو يـزول العمـر كلـه مايـزول=ياقرب من الي في يدي وابعد علي من السحـاب
ياصيف عمري ياربيع العمر ياغلـى الفصـول=يافرحتـي ياسلـوت الايـام يانـواع الـعـذاب
يابحر جده ياشفا الطايف ياحايـل ويـش اقـول=ياتراث مكه ياحضارت نجـد يابهـا والضبـاب
يانغمت الاوتار ياعـزف الموسيقـى والطبـول=ياظحكـت الاحبـاب مابيـن التغلـي والعتـاب
ياعنفـوان الخيـل ياوقفـات ماضيـن الفعـول=يانشوت الكسبـان ياعـزت عزيزيـن الجنـاب
يابسمت الاطفال يانظرات في الطـرف الخجـول=ياهيبت السلطان ياقـدر اللحـى حـق الرقـاب
ياحكمت العاقـل ياعطـف الام يامعنـى القبـول=يالذت الماء في ظماء الظميان ياعـذب الشـراب
يامعجـم الاخـلاق يافهـرس تعاليـم الوصـول=ياروعـة الابـداع يابنـك المـبـادي والاداب
فديت عمرك يابعد عمري جعل عمـرك يطـول=احسب احساب الي حسب لاحساب حسبتنا حساب
بجاه رب ام القرى والقـدس وبجـاه الرسـول=انا مصاب اوجبـك يلزمـك بسعـاف المصـاب
صبرت حول وحال حول الحول واستقبلت حـول=وانا انتظرك تذوب في قلبـي وقلبـي فيـك ذاب
وجيتك وانا كلي غلا جيتـك وانـا كلـي ميـول=النفس لارظاك احظرت والقلب لارظاك استجـاب
وعجزت ياصعب طلوع اسالك ياصعـب نـزول=تصمت ولاحكي لك سوال اصمت ولاتحكي جواب
عزلتني عن عالمن ماكنت انـا عنـه معـزول=اطرد وراك العمر كلـه كنـي اطردلـي سـراب
سمعت قولي وانت قلي ودي اسمع ويش تقـول=انا طرحت الك السـوال ومنتظـر رد الجـواب [/poem]