بعد الفقر حطت شريحـه وجـوال
 

[poem=font="Simplified Arabic,4,white,normal,normal" bkcolor="darkred" bkimage="" border="outset,4,black" type=0 line=0 align=center use=ex num="0,black"]
بعد الفقر حطت شريحـه وجـوال=يسعد مسـاء جوالهـا والشريحـه
كانت تجيني تشتكـي قلـة المـال=وتصيح لا جاء طاري الفقر صيحه
تقول أبويـه دايـم الـدوم رحـال=وامي كبيرة سـن دايـم طريحـه
وانت الوحيد اللي لك القلب ميـال=دايم يصارحني وانا لـه صريحـه
طفله وانا معشوقها بيـن الاطفـال=جريح حب وطاح له في جريحـه
كنا سوى نرسم على التربه أمـال=واحلام تقتلهـا الحيـاه الشحيحـه
كم دمعة كانت على الخـد تنهـال=واذا انزلت ضاقت علي الفسيحـه
الله كم صرخـه وهمسـه ومـوال=الله كـم جـادت علينـا القريحـه
الله كم بيـت(ن) كتبنـاه يختـال=واقول انا ضيدان وانتـي المليحـه
نخيل لو ما بالسماء برق وخيـال=وانكذب الايام لو هـي صحيحـه
وتقول لا حطيت لك بشت وعقـال=وسخر لك الرحمن عيشه مريحـه
أخاف تتركني على عثـرة الفـال=للفقـر ووجيـه الحيـاه القبيحـه
وحبيتها بيـن الخلايـق والازوال=حب يطول الوقـت محـدٍ يزيحـه
وسلمتها قلـبٍ تباريـه الاهـوال=وطاح الخفوق وطيحة القلب طيحه
راحت وخلتني مع القيـل والقـال=شاعر صواديف الدهـر تستبيحـه
ودار الزمان وغير الحال بالحـال=وجاها الزمان بكل ورده وشيحـه
فلـه وخدامـه ولكـزس وجـوال=وانا عجزت ادفع رسوم الشريحـه [/poem]للشاعر ضيدان بن قضعان

[B][color=#0066FF][font=Simplified Arabic][size=4]الغالي الذيب العتيبي

قصيدة بغاية الجودة والروعة

احيّك على نقلك هالقصيدة

وصح لسان الشاعر ضيدان بن قضعان

دمت بخير[/size][/font][/color][/B]

مشكور على مرورك يالغالي

[color=#3300CC][align=center][size=3]الذيب العتيبي
صح لسانك ولسان الشاعر ضيدان بن قضعان
ولاهنت على النقل المميز
تحياتي [/size][/align][/color]

صح بدنك أخوي محمد ومشكور على مرورك

[color=#000033][size=5]يعطيك العافيه على النقل الحسن[/size][/color]
















.

الله يعافيك سكون

صح لسانك اخوي الذيب العتيبي

وصح لسان الشاعر ضيدان بن قضعان

وبيض الله وجهك يا الغالي

على هذا الاختيار الرائع

تحياتي لك ،،،

صح بدنك ولاهنت على مرورك يالغالي

صح السانك يالذيب


وصح السان الشاعر ضيدان


ولاهنت على نقلها



تحياتي لك


بدر الروقـي